Bíógetraun

Jæja, gott væri að skella fram bíógetraun núna fyrir helgina. Sé stuð.

Ég spyr um leikara.

Hann hefur verið að lengi og leikið í fjölda mynda. Hann lék t.d. í einni frægustu gamanmynd sögunnar og gerði vel. Var svo kvæntur frægri og ákaflega sætri leikkonu.

Eitt sinn var gerð mynd sem fjallaði m.a. um hann og hans familíu. Þar var okkar maður leikinn af ungum og upprennandi leikara - sem lék svo son okkar manns í sjónvarpsþáttum seinna. Gaman að því.

Sá sem spurt er um hefur leikið eineygðan mann.

Hver er?

Athugasemdir

[Diljá Sævarsdóttir, 19.11.2010 kl. 23:08]

Peter Sellers

[Halli Hólm (IP-tala skráð) 19.11.2010 kl. 23:29]

Andy nokkur kaufman

[Diljá Sævarsdóttir, 19.11.2010 kl. 23:39]

hmm.. eineygður... john wayne? eða er okkar maður enn a lifi?

[J. Einar Valur Bjarnason Maack , 20.11.2010 kl. 01:04]

Christopher Guest?

[Jóakim Júlíusson (IP-tala skráð) 20.11.2010 kl. 01:47]

Þetta er spurning um Robert Wagner. Hann lék í The Pink Panther sem er ein af betri gamanmyndum sögunnar. Hann var kvæntur Natalie Wood frá 1957 - 1962 og síðan aftur frá 1972 - 1981, alveg gullfalleg kona. Ég veit ekki hvort hafi verið gerð um Robert Wagner kvikmynd. Í sambandi við sjónvarpsþáttinn er ég alveg úti á gati. Hann lék aftur á móti eineygðan mann í Goldmember.

[Ingvar Valgeirsson, 20.11.2010 kl. 20:20]

Jóakim, þú varst að vinna þér inn knús.

Gerð var mynd um Natalie Wood, hvar Michael nokkur Weatherly lék Robert Wagner. Weatherly leikur Anthony DiNozzo í sjónvarpsþáttunum NCIS, hvar Robert Wagner leikur föður hans.

Sómi Grenivíkur!

[Jóakim Júlíusson (IP-tala skráð) 21.11.2010 kl. 02:50]

Alltaf gott að fá eitt svoleiðis. Knúsið móttekið og sent til baka!