Klám

Það er sama hvernig ég fletti þessum Smáralindarbæklingi, ekki sé ég neitt sem hreyfir við mér kynferðislega. Ég get því ekki annað en áætlað sem svo að þessi blessaða kona, sem sér klám þarna, sé verulega vanheil á geði - eða verra. Ætli hún hafi eitt andartak leitt hugann að því hvað þessi umræða geri fyrir fyrirsætuna, sem ætlaði bara að sitja fyrir á mynd og ná sér í smá aukapening með gagnfræðaskólanum? Gagnfræðaskóli getur verið svolítið slæmur staður fyrir fólk í miðri svona umræðu og mætti því segja mér að stúlkukindin á myndinni sé ekkert svakalega spennt fyrir að mæta í stærðfræðitíma á morgnana.

Eníhjú, mér líður ekkert sérlega vel með að vita að fólk, sem sér klám út úr forsíðumynd Smáralindarbæklingsins - og hlýtur þar af leiðandi að vera meira en lítið brenglað kynferðislega sjálft - sitji í opinberum embættum. Manneskjan gengur greinilega ekki heil til skógar og á þar af leiðandi að leita sér hjálpar. Allavega læra að grjóthalda kjafti í framtíðinni, áður en fleiri unglingar verða fyrir aðkasti í skóla hennar vegna.

Annars er ég bara hress, var að spila á Döbb í gær og var gaman. Ljóti kallinn, oft kallaður Pétur í Tónabúðinni, kíkti við ásamt Hvanndalsbræðrum og fleira gott fólk lét sjá sig. Einkar gaman að því. Svo ætla ég að eyða restinni af deginum í að vera í stuði. Jibbí!

Athugasemdir

[J. Einar Valur Bjarnason Maack , 10.3.2007 kl. 19:12]

Magnað sko... ég held að þessi manneskja sé álíka kynferðislega brengluð og/eða bæld og barnaperrar, en það eru jú hin tegundin af fólki sem sér eitthvað kynferðislegt við myndir af börnum á fermingarbæklingum.