Gaman að því...

 

Eftirfarandi færzla var sett inn sem komment á síðu bloggvinar míns.  Hann kvað kommentið eiga skilið að fá sitt eigið líf sem færzla og sem sjálfumglaður og hégómagjarn einstaklingur verð ég við því og er hress að vanda.

Gersovel;

Mér finnst alltaf jafn asnalegt/fyndið þegar fjölmiðlar éta upp pólítískar skoðanir frægs fólks, eins og leikara og popptónlistarmanna, slá því upp í stórum greinum í blöðum og fast að því hunsa algerlega álit sérfræðinga í málefninu. Hverjum er ekki skítfokkingssama um hvað Björk finnst um stíflur og álver? Ber að taka fram að þetta er sagt með fullri virðingu fyrir henni sem listamanni.

Hvað kemur næst? Sé fyrir mér fyrirsagnirnar "Leoncie hlynnt jarðgöngum við Bolungarvík", "Geir Ólafsson setur út á aðbúnað aldraðra", "Baraflokkurinn allur hlynntur lækkun virðisaukaskatts á mynddiskum" og ""Bjarni töframaður gleðst vegna fyrirhugaðs álvers við Trékyllisvík".

Mér fannst Gene Simmons, bössungur ofmetnustu rokksveitar veraldar, Kiss, orða þetta nokkuð fínt þegar hann var spurður um pólítík og poppara - "Ekki spyr ég Al Gore hvernig á að spila á bassa".

P.s. Ég sé ekki betur en að Björk, sú annars ágætiskona, fari með ósannindi - ekki veit ég til þess að stæsta stífla heims sé hérlendis, né heldur að fimm álver séu á planinu. Gott væri þó að hafa stærstu stíflu heims, það gæti verið aðdráttarafl fyrir erlenda ferðamenn.

Björk gremst stóriðjuframkvæmdir á Íslandi

Athugasemdir

[Haukur Viðar, 27.4.2007 kl. 15:42]

Ósannindi eða ekki.....þú sérð nú hvernig stóriðjupésarnir taka þessum ummælum. Þeir eru grenjandi út um allt internet, þannig að þeir vita upp á sig skömmina

[Helga (IP-tala skráð) 27.4.2007 kl. 18:02]

Hverjum er ekki sama? Þér greinilega!

En ástæðan fyrir því að fjölmiðlar fjalla um það sem Björk segir í viðtölum erlendis er líklega sú að hún er frægasti Íslendingurinn og því með frægara fólki sem talar eithvaðúm ísland á erlendum vettvangi. Áhrifamáttur hennarsem landkynning hefur alltaf verið stórlega vanmetinn held ég...

og góður punktur hér að ofan hehe

[Ingvar Valgeirsson, 27.4.2007 kl. 19:03]

Það er ekki málefnið, né heldur Björk sem slík, sem pirra mig eilítið. Það er þessi árátta fjölmiðla að éta hluti upp eftir frægu fólki - til dæmis man ég eftir einu tölublaði Moggans, hvar hálf síða fór í að lýsa skoðunum Sean Penn á Íraksstríðinu, en í sama blaði var örlítil frétt, ca. 1/5 af stærð viðtalsins við Penn, um hvað forustustrumpar Sameinnuðu Þjóðanna hefðu um málið að segja.

En Björk er prýðis landkynning, ég held að enginn efist um það.

[Örvar Þór Kristjánsson, 27.4.2007 kl. 19:35]

Hehehehehe snilldin ein.  Hún er bitur eins og svo margur umhverfissinninn.

[Georg P Sveinbjörnsson, 27.4.2007 kl. 19:46]

Finnst þetta verulega gott hjá henni og gleðst ALLTAF þegar þungavigtarfólk tjáir sig um mikilvæg mál.

[Ingvar Valgeirsson, 27.4.2007 kl. 20:32]

Jú, hún er þungavigtar - í tónlist. Virðist ekki vita mikið um stíflur, samt. Segir stærstu stíflu heims vera hérlendis, þegar hver einasti þokkalega læs einstaklingur ætti að vita að sú er í Kína.

Gladdistu mikið um daginn þegar Lindsay Lohan fór að tala um pólítík, Georg?

[Guðríður Pétursdóttir, 27.4.2007 kl. 21:30]

who wouldnt...

[Snorri Sturluson, 28.4.2007 kl. 00:52]

Ingvar!  Það hefur orðið orðabrengl í fyrstu línu þriðju málsgreinar.  Þarna á greinilega að standa "vanmetnustu", en ekki "ofmetnustu". 
Held samt að orðið sem þú varst að leita að, en fannst einhverra hluta vegna ekki, hafi verið "stórfenglegustu".

[Einar Ágúst (IP-tala skráð) 28.4.2007 kl. 04:22]

Þar skeit beljan sem ekkert hafði rassgatið.....

[Ingvar Valgeirsson, 29.4.2007 kl. 20:07]

Jú, ef hægt væri að virkja skaftaganginn í sumum stjórnmálamönnum þyrfti ekki mikið að reisa af stíflum vegna álveranna. Þakka þér fyrir innleggið, Palli Pé, það er gott að hafa á stundum svona "einsmannsjákór".

Snorri, ég veit að við erum ekki alveg sammála um gæði þeirra Kiss-manna. En mér þótti þeir ekkert skemmtilegir eftir að ég varð 11 ára, þá sá ég að fullorðnir karlmenn með meiköpp eru bara hommalegir. Hinsvegar hef ég æði oft lent í lífshættu sökum þessarar skoðunar minnar og þurft að forða mér á hlaupum ellegar snúast til varnar - oftar þó taka til fótanna, enda er ég lítill og ræfilslegur og ekki til stórræðanna í slagsmálum.