Haukur vann!

Jú, Haukur Nikulásson vann getraunina mína, en rétt svar var Charlie Chan. Margur unglingurinn hefur eflaust aldrei heyrt á hann minnst, en það má lesa um hann hér. Haukur hefur unnið sér inn einn hrímaðan ef hann nennir að mæta á Dubliner í kvöld, hvar við Ingi Valur verðum einmitt að leika fyrir gesti og gangandi. Hvað þetta fólk er að gera gangandi þarna inni veit ég ekki.

Hvað varðar Tarantino-tilvitnanir í Charlie Chan, þá kallar sjerriffinn í Kill Bill 1 (þessi í kirkjunni) son sinn alltaf "son number one", sem er tilvitnun í Charlie Chan. Eins nefnir Harvey Keitel hann á nafn á kaffihúsinu í byrjun Reservoir Dogs.

Annars datt mér þessi getraun í hug þegar ég asnaðist til að horfa á Charlie Chan and the Curse of the Dragon Witch (eða eitthvað svoleiðis) á erlendri sjónvarpsstöð í gær. Peter Ustinov lék Charlie, enda yfirleitt asnalegir hvítir karlar sem léku þennan hálfkínverska mann. Þessi mynd fer á botn tíu-listann, þ.e.a.s. ein af tíu verstu myndum sem ég hef séð. Hreinn hryllingur. Michelle Pfeiffer lék í henni, örugglega örskömmu eftir að hún lék í Grease 2. Djúsí belja.

Ný getraun og nýtt pólítískt röfl brátt, farinn að kenna fólki á gítar. Veriði sæl og myljið í ykkur múrstein.

Athugasemdir

[Guðríður Pétursdóttir, 3.5.2007 kl. 21:21]

hey eru engin auka verðlaun fyrir þann sem kom með fráleitasta svarið... ég lagði mikið á mig til að finna þann eina ranga

[Haukur Nikulásson, 4.5.2007 kl. 08:46]

Takk, takk! Þið megið hætt að klappa. Fyrirgefðu mér Ingvar en ég komst ekki í gærkvöldi því það voru fleiri að spila en þig félagarnir!

Ég sá haug af Charlie Chan myndum í kananum í gamla daga, en þótti þær ekkert sérstakar. Það var stundum bara ekkert annað efni í boði.

Ég mæti fljótlega á staðinn og tek út verðlaunin, en þó kannski aðallega til að athuga hvort þú getir eitthvað í músíkinni

[Ingvar Valgeirsson, 4.5.2007 kl. 10:05]

Ég hef séð einhverjar þrjár eða fjórar og þær eru allar glataðar, þessi nýjasta (síðan ´81) áberandi langverst. En ég skil að þú hafir horft á þetta, sjálfur ólst ég upp við Rúv og þá var horft á allt sem í boði var. Það var ágætisgrunnur að júsless informeisjón-bankanum sem er í hausnum á mér.

En í gær vorum við frábærir félagarnir og engin leið fyrir þig að afsanna það.

Guðríður, þú færð ekki neitt fyrr en þú getur rétt. En örvæntu ekki, stelpa hefur unnið bíógetraunina.

[Telma Hrönn Númadóttir, 4.5.2007 kl. 12:32]

Charlie Chan?? ég er klárlega of ung fyrir þessa getraun. . enda þarf ég ekkert að vinna, ég er sátt við minn eina sigur... af hverju fékk ég samt ekki verðlaun??