Getraunin góða

Fyrst enginn er kominn með rétt svar við getrauniini síðan fyrir viku er rétt að ítreka áður gefnar vísbendingar og koma með nýjar... 

Spurt er um karakter. Þessi karakter er rannsóknarlögreglumaður og vel þekktur. Hann kom fyrst fram á skjánum nítjánhundruðsextíuogeitthvað.

Karakterinn á bróður, sem var einmitt leikinn af bróður leikarans, sem lék karakterinn. Hvernig finnst ykkur það?

Karakterinn, sem spurt er um, hefur ekki bara komið fram í einni sjónvarpsþáttaröð, heldur tveimur. Bróðirinn var þó bara í annari seríunni.

Brot úr titillagi annarar þáttaraðarinnar hljómar stundum í sjónvarpi þessa dagana.

Þá er best að bæta við vísbendingarnar...

Karakterinn kom fyrst fram í sjónvarpsþætti, sem á ástkæra og ylhýra myndi útleggjast, ef kunnátta mín í erlendum tungumálum svíkur mig ekki, eitthvað eins og "Lögregluforinginn".

Bróðir karaktersins tók við af honum í þeim þáttum þegar hann fór í hinn þáttinn, sem varð geysivinsæll hérlendis. Bróðirinn (þ.e. karakterinn) heitir Erwin. Íslendingar þekkja hann ekki eftir því sem ég best veit.

Karakterinn grípur sjaldan til vopna. Hann kann betur við að nota höfuðið og það á einnig við um félaga hans. Okkar maður er hinsvegar vopnaður, ber svipaða skammbyssu og James Bond gerði hér forðum.

Þeir félagar starfa í stórborg. Nafn hennar byrjar á stafnum "M".

Hver er kallinn? Ég er sirka búinn að gefa þetta...

 

 

 

Athugasemdir

[arnar valgeirsson, 16.10.2007 kl. 18:22]

þetta er nú að verða hálf ruglingslegt sko. bróðirinn og karakterinn og okkar maður og allt það. en - algjörlega í himinblámann, skýt ég á sonny crockett.

þó ég munu sosum ekkert eftir einhverjum fyrirrennurum.

[Eyvindur Karlsson (IP-tala skráð) 16.10.2007 kl. 19:02]

Þetta er Derrick! Segi ég og skrifa! B-O-B-A!

[rabbabararúna (IP-tala skráð) 16.10.2007 kl. 19:04]

matlock

[Anna Valdís Guðmundsdóttir, 16.10.2007 kl. 19:22]

Ég skýt á Don Johnson úr Miami Vice. Annars þá starfaði Matlock í Atlanta og það byrjar víst ekki á M....

[Guðríður Pétursdóttir, 16.10.2007 kl. 20:45]

Inspector Morse...

[Magnús Geir Guðmundsson, 16.10.2007 kl. 23:59]

Lagði hausinn smá í bleyti Ingvar minn, en veit ekki alveg. Gætir þó verið að tala um Sweeney, mig rámar allavega í að John heitin Thaw hafi átt bróður sem líka lagði fyrir sig leiklist!

[Ingvar Valgeirsson, 17.10.2007 kl. 09:56]

Enginn réttur.

[Guðsteinn Haukur Barkarson, 17.10.2007 kl. 10:10]

Er þetta Columbo?

[Ingvar Valgeirsson, 17.10.2007 kl. 10:24]

O, nei. Þessi ók ekki gráum pusjó.