Ástand

Juggi frændi minn kom með athyglisverða tilgátu - þegar öreindahraðallinn í Swiss var settur í gang óttuðust sumir að úr yrði svarthol og í framhaldi af því heimsendir. Eins og sést gerðist það ekki. Juggi vill hinsvegar meina að mögulega hafi orðið til annarskonar svarthol, sem sogaði til sín allt lausafé og lánstraust í hinum vestræna heimi.

Tilgátan er svosem ekki vitlausari en hvað annað.

Annars er ég með lausn á efnahagsvandanum og sú lausn á aldeilis eftir að færa erlent fjármagn inn í landið. Við seljum bara kvikmyndaréttinn. Úr gæti orðið prýðis spennumynd, sem enginn myndi skilja til fulls.

Ciarán Hinds gæti leikið Geir H. Haarde (takið eftir hversu veglegt bil er milli nefs og efrivarar, rétt eins og hjá forsætisráðherranum):

                                             

Val Kilmer gæti komið til greina sem Árni Mathiesen:

                                            

Og svo gæti Samuel L. Jackson leikið bæði Davíð Oddsson...

                                             

sem og Steingrím Joð:

                                           

Svo datt mér í hug að Elizabeth Taylor gæti leikið Jónínu Ben. Einhver?

Athugasemdir

[Guðríður Pétursdóttir, 9.10.2008 kl. 19:06]

þessi sem Björn Bjarna.. bara að fita sig pínu fyrir hlutverkið

[Hans (IP-tala skráð) 9.10.2008 kl. 20:02]

Verður ekki að vera einhver hetja í þessari mynd?

Verður ekki að vera "Hollywood" endir?

Harrison Ford væri flottur í það hlutverk - vandamálið er bara hver þessi bjarvættur er í raun og veru....Pútín?

[Hans (IP-tala skráð) 9.10.2008 kl. 20:03]

Er ekki það augljóst að "vondi kallinn" er Gordon Brown?

[golli krulludýr (IP-tala skráð) 9.10.2008 kl. 22:55]

"tilgátu - þegar öreindahraðallinn í Swiss var settur í gang" áttu ekki við öreindahraðall hljómsveitarinnar swiss var settur í gang:)

[Ingvar Valgeirsson, 10.10.2008 kl. 10:06]

Hans, það er morgunljóst að Brown og Darling eru vondu kallarnir. Ég vil slíta stjórnmálasambandi við Bretland og kalla námsmenn þar heim hið snarasta.

Golli, öreindahraðallinn okkar Swiss-manna er ekki kominn í gang enn. Við geymum hann inni í skáp og ætlum að bíða betri tíma.

[Magnús Geir Guðmundsson, 11.10.2008 kl. 00:54]

En hver ætti að leika Björgvin g. og hver Helga Seljan?