Allt að gerast...

Nú er allt að gerast. Komin jól, ég fékk fullt af pökkum með fullt af allskonar drasli í, búinn að spila helling, sonur minn nr. 1 er orðinn seytján vetra gamall og allskonar stóráföll og skemmtilegri hlutir búnir að dynja á manni. 

Við Swiss-drengirnir vorum að leika á Döbb í gær og fyrradag. Gaman að því, um það bil þrír þegar við byrjuðum bæði kvöldin en troðfullt skömmu síðar. Gaman að því. Tryggvi litli var memm á föstudaginn og það var nú aldeilis gaman. Tók Lilla klifurmús-lag og fleira í þeim dúr. Og moll.

Ja, hvað skal segja... bara það að ég hlakka til að sjá skaupið. Ef það klikkar þarf einhver að segja af sér. Je, ræt. 

Athugasemdir

[Guðríður Pétursdóttir, 31.12.2008 kl. 04:15]

Ég get ekki sagt að ég öfundi þá sem gera skaupið núna

Aldrei hefur verið eins mikil pressa á að það heppnist.. þar sem svo mikið hefur gerst er augljósleg svo einfalt að gera eitt stykki snilldar skaup.. ekki gleyma að spaugstofan ef búin að útnauðga öllum mögulegum aulabröndurum sem til eru um ástandið..

ég og vinkona mín sem er nýkomin heil á húfi frá Indlandi eftir hálfs árs dvöl ætlum að kíkja fljótlega á döblið.. vonandi hittist á að þú sért að glamra á sama tíma og ég fæ pössun

bless

[Ingvar Valgeirsson, 31.12.2008 kl. 14:58]

Spaugstofan hefur alveg sleppt því að vera fyndin, svo skaupið kemur líklega vel út úr þeim samanburði.

Annars skal ég alveg passa fyrir þig. Kannski. Verst að þá get ég ekki spilað á meðan, nema náttúrulega fyrir skrákana þína.