Leikaragetraun númer milljón

Nú skal kastað fram leikaragetraun.

Leikarinn, sem spurt er um, er nú látinn.

Hann lék í mörgum myndum og margskonar. Hann lék líka á sviði og hlaut lof fyrir.

Hann lék ofurbófa hér í eina tíð. Tókst þar á við eina vinsælustu ofurhetju bíósögunnar - komst meira að segja að því hvert hið raunverulega nafn ofurhetjunnar var. Geri aðrir betur.

Hann hefur leikið í myndum með t.d. Charlie Sheen, Johnny Depp og Jack Nicholson, svona til að nefna einhverja. 

Hann skrifaði líka bækur og þótti ákaflega gaman að syngja. Nokkur lög voru samin fyrir hann og hann söng allnokkru sinnum í skemmtiþáttum í sjónvarpi. Rödd hans, feykifögur, rataði líka inn á einhverjar hljómplötur.

Hver er... eða öllu heldur - hver var? 

Athugasemdir

[Geiri3D (IP-tala skráð) 12.7.2009 kl. 20:17]

Ekki er þetta hann Cesar Romero úr gömlu batman þáttunum? :)

[Viddi bró (IP-tala skráð) 12.7.2009 kl. 20:51]

Ekki getur það verið Raul Julia?

[Viddi bró (IP-tala skráð) 12.7.2009 kl. 20:55]

eða kannksi Marlon Brando..    nú er ég lika hættur,,,,,

[Magnús Geir Guðmundsson, 12.7.2009 kl. 22:58]

Jack Palance, þetta liggur nú í augum uppi!?

[Ingvar Valgeirsson, 13.7.2009 kl. 08:52]

Það ligur alveg í augum uppi að allir eru með kolvitlaust... híhíhíhíhí.

[Bjarni (IP-tala skráð) 13.7.2009 kl. 12:39]

Måske Vincent Price?

[Ingvar Valgeirsson, 13.7.2009 kl. 12:51]

Ég fer nú að banna Bjarna frá þessum getraunum...

Auðvitað er það rétt, Vincent var það heillin.

[Magnús Geir Guðmundsson, 13.7.2009 kl. 13:48]

Bévítans klaufi teljumst vér, að kveikja ekki á þessu síðasta, það liggur nú í augum uppi...eftir á!

Upplestur hans á hinu helga orði í upphafi Number Of The Beast, teljast nú vart annað en sígild!

[Magnús Geir Guðmundsson, 13.7.2009 kl. 13:50]

..telst nú vart annað en sígildur!

Voða doði er þetta í manninum!?

[Ingvar Valgeirsson, 13.7.2009 kl. 16:15]

En, Maggi - það var alls ekki Price sem las úr Opinberunarbókinni í laginu góða. Sá heitir Barry Clayton.

[Magnús Geir Guðmundsson, 13.7.2009 kl. 17:49]

Ha?

[Ingvar Valgeirsson, 13.7.2009 kl. 17:57]

Leikarinn, sem les úr Opinberunarbókinni í laginu Number of the Beast heitir Barry Clayton - var með þætti á BBC um árið, hvar hann las draugasögur og svoleiðis. Hélt nú að þú vissir þetta, híhíhí.

Vincent Price hinsvegar kom fram á Alice Cooper-plötu og svo náttúrulega á Thriller.

[Magnús Geir Guðmundsson, 13.7.2009 kl. 18:38]

Æ, tek það nú ekki nærri mér, en man ekki betur en þetta stæði á plötunni og að þessu hafi verið haldið fram. Röddin hljómar allavega eins og ég man eftir VP eða mig minnir að mig minni það það þanni éG nenni annars ekki að leita að þessu, er afskaplega slappur tölvuleitarmaður, þessi Clayton hlytur þá að hafa verið eftirherma líka?

[Ingvar Valgeirsson, 13.7.2009 kl. 21:56]

Ég held reyndar að flestir telji þetta vera Price, enda segir hér:

http://en.wikipedia.org/wiki/The_Number_of_the_Beast_(song)

að þessi ágæti maður hafi verið beðinn um að herma eftir meistaranum, sem þótti fulldýr fyrir fátækt hevímetalband í Bretaveldi.

[Magnús Geir Guðmundsson, 14.7.2009 kl. 17:27]

Ja hvur.. kannski lugu þeir bara um þennan Clayton, Price ekki verið dýr eða eitthvað...?

[Ingvar Valgeirsson, 15.7.2009 kl. 12:06]

Barry Clayton var líka sögumaðurinn í teiknimyndum sem hétu Count Duckula, eða Brakúla greifi. Þær fjölluðu um vampíruönd, sem var vakin upp frá dauðum með aðstoð galdraseyðs. Eilítil mistök áttu sér stað þegar seyðurinn var magnaður, en í stað blóðs var óvart notuð tómatsósa. Því var vampíruöndin sauðmeinlaus grænmetisæta.

Þessar myndir voru sýndar á Stöð 2 fyrir tveimur áratugum síðan. Mig minnir að Laddi hafi þar séð um flestar raddir í talsetningu og gert það listavel, eins og allt annað sem hann tekur sér fyrir hendur.