Fals

DV er hreint yndislegt blað. Svona fyrir utan að það er ekkert í því, þá er þetta ekkert ritað með óhemju mörgum stafsetningar- og málfræðivillum. Reyndar eru stafsetningarvillurnar svo margar að það kæmi mér ekkert á óvart að í stað DV stæði framan á blaðinu BP einhvern daginn.

En fréttamennskan er líka ágæt. Þeir vara í einni frétt við fölsuðum seðlum - ekki hef ég miklar áhyggjur af því, það borga allir með kortum nú til dags. En DV vill vara mig við fölsuðu seðlunum, og segja "oftast er um að ræða fimm hundruð, þúsund, tvö þúsund og fimm þúsund krónur".

Eins gott að öngvir falsaðir þrjúþúsundkallar eru í umferð...

Lag dagsins er Stórfé með hljómsveitinni Flýtir.

Athugasemdir

[Gauti, 25.4.2007 kl. 22:37]

Ég man hvað mig langaði alltaf að peningarnir í viðskiptaspilinu, sem ég átti sem krakki, væru alvöru . . farí bæinn með fimmhundruðmilljónkróna seðil  . . "og kaupa popp og tyggjó"  

[Haukur Nikulásson, 25.4.2007 kl. 22:53]

Rush eru góðir!

[Guðríður Pétursdóttir, 25.4.2007 kl. 23:00]

[Ingvar Valgeirsson, 25.4.2007 kl. 23:13]

Haukur, þetta er ekki rétt hjá þér - Rush eru ÆÐISLEGIR!

[Einar Ágúst (IP-tala skráð) 25.4.2007 kl. 23:16]

Hvaða hvaða....láttekkisonna.... Dv þessi virðingamikli og ábyrgi bleðill.... Skilst að það sé allt satt og rétt sagt frá í honum.

[Haukur Viðar, 26.4.2007 kl. 01:43]

Úff......en Geddy Lee er svo asnalegur.

Hann er svo asnalegur!

ASNALEGUR!!! 

[Högni Hilmisson, 26.4.2007 kl. 02:44]

það er samt hagkvæmara, að nota falsaða seðla í hófi. ef maður sé drullu fátækur. og hefur ekki atvinnu, og á ekkert gæludýr.

[J Sigurviss (IP-tala skráð) 26.4.2007 kl. 09:05]

Það er í lagi þó að Geddy Lee sé "Asnalegur", ekki ætla ég að giftast honum. Hann er hins vegar schnillingur. Syngur, spilar á bassa, hljómborð og gítar og þá gerir allt að þrennt af því í einu!

-j

[Ingvar Valgeirsson, 26.4.2007 kl. 09:53]

Jói - þetta var fernt - og hann spilar bara á gítar eða bassa, ekki hvort tveggja af því í einu. Hinsvegar fer hann létt með að spila á hljómborð og syngja, auk þess að fara fimum fótum um bassafetlana, nú ellegar spila á bassa og leika hljómborðspartana af fótum fram. Schnillingur.

Haukur, þó þú sért sætur er óþarft að gera grín að öðrum sem Guð var ekki jafn-örlátur við útlitslega séð. Vertu bara þakklátur og ástundaðu auðmýkt, þó vissulega sé það erfitt þegar menn eru jafnfallegir og við.

H-gni... GÆLUDÝR!?!?! Er það ekki eitthvað fyrir fólk sem á enga vini?

[Ingvar Valgeirsson, 26.4.2007 kl. 11:02]

Híhíhíhíhí! En ef þú ferð í James Bönd, sem er jú áberandi langbesta leigan í bænum, má benda á að ég vinn aðeins nokkrum húsum ofar, í Tónabúðinni á móti Rúbí Tjúsdei - sem er jú áberandi langbesta hljóðflærabúðin í bænum.

[Ingvar Valgeirsson, 26.4.2007 kl. 11:06]

Afsakið stafsetningarvillu - við seljum hljóðfæri, ekki hljóðflæri...

[Elvar Geir Sævarsson (IP-tala skráð) 26.4.2007 kl. 12:09]

Ég fann falsaðann 1000 kall við uppgjör í vinnunni í fyrrasumar. Hann var nokkuð vel gerður, áferðin næstum því sú sama. Hann var þannig gerður að ef maður skoðaði hann í gegnum ljós þá sá maður vatnsmerkið, sifurröndina og í gegnum hann en málið var að maður sá allt þetta líka ef hann lá á borði. Löggan tók hann.  

[Ingvar Valgeirsson, 26.4.2007 kl. 12:15]

Palli, gítarneglur fara í skemmuna við hliðina á skemmunni, þar sem allar týndu snúrurnar eru. Nánari staðsetning er óljós, en víst þykir að þessar skemmur séu í nágrenni við skemmuna með öllum týndu míkrófónunum...

Elvar - bévítans löggan að hirða peninginn, þú hefðir getað eytt honum í popp og tyggjó!

[J Sigurviss (IP-tala skráð) 26.4.2007 kl. 12:57]

Þegar ég var að tala um þrennt í einu var ég að meina söng, bassa og hljómborðs pedalana. Svo er ekki rétt að hann spili ekki á bassa og gítar í einu. Hann hefur spilað á gítar og moog bassa í einu ;o)

-j

[Ingvar Valgeirsson, 27.4.2007 kl. 11:03]

Verst að Geddy (sem heitir Gary en var uppnefndur Geddy sökum þess að pólsk mamma hans gat ekki borið Gary fram almennilega) segir alltaf "Red Bartsjetta" þegar réttur framburður er víst "Red Barketta". Barketta er víst bifreið, en texti lagsins varð inspírasjón skáldsögunnar "A nice morning drive", sem er hreint ekki slæm.