Eilítið á skjön við sannleikann

"Gítarinn sinn eina" - Lucille er nafn sem hann notar yfir alla gítarana sína. Gibson framleiða (eða framleiddu) sérstakt B.B. King - signature-módel, sem bar að sjálfsögðu heitið Lucille, en gamli hefur notað fleiri tegundir gegnum tíðina. Gott ef ekki hangir uppi mynd af honum, vopnuðum Fender gítar, á American Style í Kópavogi.

Sjá nánar hér.

B.B. King hafnar siðgæðisverðinum

Athugasemdir

[Haukur Nikulásson, 12.7.2007 kl. 17:13]

Já, Ingvar, Lucille kerlingin fæst keypt eins og hver önnur hóra frá Gibson. Ég átti reyndar um tíma Gibson ES335 (sem ég keypti notaðan af Tryggva Hübner árið 1974-5) og get ekki neitað því að ein Lucille kæmi til skoðöunar þegar og ef maður á pening aflögu... reyndar líka svolítið spenntur fyrir nýja Ovation VXT hybridinum. Hefur einhver pantað slíkan? 

[Ingvar Valgeirsson, 12.7.2007 kl. 17:56]

Nei, ekki mér vitanlega. Enda engin ástæða til þegar Taylor T5, sem er æðislegasta hýbriði í alheiminum og þótt víðar væri leitað.

Ætlaði sjálfur eitt sinn að kaupa mér Lúsillu, en hún var of þung svo ég keypti mér Strat í staðinn. ES-335 er þó enn á óskalistanum, neðarlega á topp tíu.

[Hjalti Árnason, 12.7.2007 kl. 20:09]

Væri nú líka annað hvort að áttræður atvinnugítarleikari hefði ekki prófað fleiri en einn gítar. Mér finnst eins og hann tali um Lucille sem "vinnuna" að spila frekar en gítarinn sjálfann.

[Magnús Geir Guðmundsson, 12.7.2007 kl. 22:04]

Félagi Ingvar!

N'u líkar mér umræðuefnið, þó ég blandi mér eðlilega ekki í "Gítarsérfræðingatalið" sem slíkt!

En satt segir þú um goðið, fleiri gerðir af gíturum hfur hefur hann vissulega notað. Einhvers staðar í fórum minum leynist myndband gott, heimildarmynd gott ef ekki er, um ferðalag sem hann fór ungur í til Afríku! Þar flaggaði hann örugglega fleiri en einni tegund, t.d. hvítum Fender Stratocaster, ef minnið svíkur mig þá ekki þeim mun verr! En u.þ.b. 17 ár frá því mér áskotnaðist þetta og langt síðan ég sá það síðast, svo ég þori ekki alveg að alhæfa en finnst þetta sterklega!