Kominn tími á leikaragetraun

Langt er um liðið síðan síðast var getraun. Best að skjóta fram einni leikaragetraun.

Leikarinn, sem spurt er um, er reyndar ekki bara leikari. Hann er líka meðal annars tónlistarmaður, hefur leikið á gítar, trommur og sungið. Hefur gefið út talsvert af plötum, bæði einn og í samstarfi við aðra. Hann hefur samið heilan mýgrút af lögum og hafa sum þeirra náð verulegum vinsældum.

Hann var til dæmis í hljómsveit fyrir allnokkrum árum og samdi og söng eitt af þeirra vinsælustu lögum. Það lag lifir góðu lífi enn þann dag í dag - er til dæmis á prógramminu hjá hljómsveitinni minni.

Hann hefur leikið bæði í bíómyndum og sjónvarpsmyndum, sem og sjónvarpsþáttum. Í bíómyndunum er hann sjaldnast í aðalhlutverki, en oft eftirminnilegur.

Hann lék aðalhlutverk í mynd fyrir æði mörgum árum. Þar lék hann eineygðan kennara, sem var drykkjusjúklingur og óttalega þunglyndur.

Yngsti sonur mannsins hefur líka leikið, bæði í bíó og í sjónvarpi. Hann leikur til dæmis í bíómynd sem nýtur mikilla vinsælda um þessar mundir og hefur leikið á móti pabba sínum.

Hver er kallinn?

Svo ber að taka fram að ég er hress, þrátt fyrir að vera ósofinn og drulluþreyttur. Er að fara að spila á Dubliner á eftir og það verður vonandi gaman, var allavega gaman í gær.

Svo sá ég Spaugstofuna áðan. Mér finnst Siggi Sigurjóns ógeðslega flottur sem Steingrímur Joð. Atriðið var alveg alls ekkert fyndið sem slíkt, en gervið var svo flott að ég skellti upp úr.

Asnalegt samt að Randver sé ekki, hreint fáránlegt að einhverjar konur leiki konur - Randver var frábær kona. Forljót kona reyndar, en frábær. Mér finnst Randver flott nafn. Bjarni vinur minn heitir einmitt Randver.

Veriði hress, ekkert stress, bæ.

Athugasemdir

[Magnús Geir Guðmundsson, 16.9.2007 kl. 02:24]

SEigur ertu! ég er hins vegar orðin svo lélegur í þessu, að eini söngvarinn, trommarinn og örlitli leikarinn sem ég man eftir nú, er Phil Collins, en augljóslega um einhvern annan að ræða!

[Inga Þyri (IP-tala skráð) 16.9.2007 kl. 05:17]

Mér dettur bara í hug Jack Black þó svo hann komi sér yfirleitt í aðalhlutverk og ég efist um að sonur hans (ef hann á þá einhvern) hafi nokkurntíma leikið 

[Kolbeinn (IP-tala skráð) 16.9.2007 kl. 14:29]

Þetta er Laddi Þórhallur Sigurðsson

[Ingvar Valgeirsson, 16.9.2007 kl. 15:51]

Kolbeinn hefur það - auðvitað er það Laddi. Byrjaði sem trommari í hljómsveitinni Föxu, hvar Halli bróðir söng. Fór svo að syngja og sprella.

Myndin, sem hann lék eineygðan kennara í, hét Hver er? Þar sýndi hann stjörnueik í alvarlegu hlutverki.

Þórhallur sonur hans leikur með honum í Laddasjóinu þessa dagana, hefur einnig leikið í Stelpu-þáttunum á Stöð 2 og í fleiri sjónvarpsþáttum. Hann leikur líka pínulítið aukahlutverk í Astrópíu, sem er í bíó essa dagana... já, þessi var nett kvikindislegur.

Lagið, sem talað er um, er Sandalar með Brunaliðinu. Nei, það er ekki eftir Magga Kjartans eða Magga Eiríks, eins og margir halda, það er eftir Ladda sjálfan.

Nú, svo syngur Laddi eitt vinsælasta lagið á þessu ári, allavega það sem af er, ásamt Millunum. Poppferillinn lifir góðu lífi. Hvar er Fálkaorða handa kallinum?

[Magnús Geir Guðmundsson, 16.9.2007 kl. 16:53]

Skrattakollur ertu, leiddi ekki hugan að því einu sinni, að þetta gæti verið Íslendingur! En Ingvar, "Gítarleikari"? Þó hann hafi gutlað með kassa sem Eiríkur Fjalar, er nú ekki aðeins og mikið sagt? Svo hefur karlinn leikið fleiri aðalhlutverk er það ekki? AR hann ekki í aðalhlutverki í annari eða báðum STellumyndunum, allavega ímeð burðarrullu finnst me´r, en skiptir svosem engu. En man aðeins eftir þessari kennarasjónvarpsmynd, létt sturtusena t.d. með honum og Elfu Gísladóttur í henni, en kvinnan sú er reyndar aðeins tengd mér með óbeinum hætti!

[Magnús Geir Guðmundsson, 16.9.2007 kl. 16:57]

Heyrðu, þú getur bara sjálfur sent rökstudda álitsgerð til hinnar sérstöku Orðunefndar, held að öllum sé það frjálst að koma með tillögur til hennar!

[Eyvindur Karlsson (IP-tala skráð) 16.9.2007 kl. 17:52]

Þessi var góð. Ég fattaði þetta ekki. :S

Annars var sendur gríðarlegur undirskriftalisti þess efnis að Laddi fengi orðuna á þessu ári - enda sextugur. Það gekk því miður ekki eftir. Frekar glatað. Ég er þeirrar skoðunar að hann eigi fálkaorðu fyllilega skilda.

[Ingvar Valgeirsson, 17.9.2007 kl. 08:51]

Eða að Randver fái Fálkaorðuna og Laddi verði ráðinn í Spaugstofuna... nei, betra á hinn veginn.

[RabbabaraRúna (IP-tala skráð) 17.9.2007 kl. 13:52]

Skellum á hann nælu, á það alveg skilið þar sem hann er einn besti gítarleikari sem íslendingar hafa átt. já það er fjör..lalalalalalalalalal