Röfl og önnur getraun

Svei mér þá, hvað ég er sæll og glaður á þessum bráðhuggulega rigningardegi. Ljóma allur af kátínu, enda var Schecter-gítarinn minn "nýji" tekinn í gagnið um helgina. Notaði hann næstum jafn mikið og hundtrygga og trausta Music Man Steve Morse-gítarinn, sem ég hef notað nær eingöngu til rafgítarleiks í vel á fjórða ár. Eníhjú, Schecterinn er sumsé gítar sem ég átti í gamla daga, reyndar oft. Þakka mikið fyrir að hann er kominn heim og verður eflaust æði eftir aðeins meiri aðhlynningu. Set inn myndir af þeim bráðlega.

Nú, ég sá Einar Ágúst í sjónvarpinu með nýja og fallega Taylorinn sinn. Einhver sá fallegasti gítar sem ég hef séð. Hann fór í létt viðtal og söng svo og lék létt lag. Viðtalið var reyndar svolítið fyndið - hann var að segja frá því beisikklí hversu vel gengi í dag, því hann væri edrú og hress. Þóra Tómasdóttir, sem tók viðtalið, virtist hinsvegar haldin einhverju reifaraheilkenni og spurði sífellt um tengsl Einars við gömul sakamál - því var einmitt sniðugt hjá kallinum að vísa til þess hvað þetta væru gamlar fréttir með að segja að hann hefði fengið nokkurra ára skilorð sem hann hefði nú þegar haldið út. Enda sætur strákur.

Hvað um það - erfið leikaragetraun. Ég held hún sé verulega erfið reyndar.

Spurt er um leikara. Hann er ekkert sérstaklega vinsæll, en hefur leikið svolítið stór hlutverk. Einnig þekktur sem tónlistarmaður.

Hann fæddist á Bretlandseyjum innan við ári eftir lok seinna stríðs. Hóf tónlistarferil sinn, sem og leiklistarferil á unglingsárum. Strax um miðjan sjöunda áratuginn var hann farinn að leika í bíómyndum og átti svo býsna góðan sprett sem rokksöngvari. Eftir það lék hann í bíó og sjónvarpi - lék t.d. tvíkynhneygðan listamann í bíómynd, auk þess að leika í Hróa hetti og í Dýrlingsþætti.

Hann féll svolítið í gleymsku á áttunda áratugnum - lék þó eitthvað og gaf út smáskífu, sem varð semíhittari. Stimplaði sig vel inn "in the eighties" með svaðalegum eitísslagara sem gerði allt brjálað.

Hann talar frönsku óaðfinnanlega (er mér sagt, ekki get ég dæmt um það) og hefur því oft leikið frakka eða í frönskum myndum. Hefur einnig sungið á frönsku og átt vinsældum að fagna í hinum frönskumælandi heimi.

Bróðir hans er einnig leikari og þekkja Íslendingar hann líklega best úr sjónvarpi. Reyndar tók bróðir okkar manns við hlutverki af honum eitt sinn á sviði, en þeir hafa báðir alið manninn svolítið á leiksviðinu.

Bróðirinn hefur t.d. leikið forsætisráðherra Breta. Lék reyndar líka í frægri erótískri bíómynd.

Hver er kallinn?

Athugasemdir

[Bjarni Bragi Kjartansson, 19.9.2007 kl. 18:55]

Djöfull er þetta heví

[RabbabaraRúna (IP-tala skráð) 19.9.2007 kl. 19:11]

Tinni?

[Ingvar Valgeirsson, 19.9.2007 kl. 19:59]

Heví er það. Allavega held ég það. Ef allt klikkar verða frekari vísbendingar til taks.

[arnar valgeirsson, 19.9.2007 kl. 20:12]

gítar sítar...

þetta er nú létt dreggur.

hinn frönskumælandi heimur er jú frakkland og.... hvað. holland. belgía. heil heimsálfa. annars er þetta pís of fokking keik.

[Þóra Lisebeth Gestsdóttir, 19.9.2007 kl. 20:47]

Hmm...Thú ert erfidur, nú tharf ad leggja hausinn rækilega í bleyti...

[Brynhildur (IP-tala skráð) 20.9.2007 kl. 08:51]

Haaaa heitir hann Keith Allen???  Bróðir hans er líka leikari........nei hvað veit ég, ég get aldrei þessar leikaragetraunir.

Enska þig samt, kv, Bryn.

[Steingrímur Rúnar Guðmundsson, 20.9.2007 kl. 08:52]

Þetta er Tom Cruise

[Stefán Örn Gunnlaugsson aka. Steven the STUD (IP-tala skráð) 20.9.2007 kl. 09:10]

Ég veit alveg hver þetta er. En ég segi það ekki. Hef það bara í hausnum, já hausnum sagði ég. Ingvar veit líka að ég veit það þar sem við vorum að spjalla um þetta í gær. :)

Svo að ég VINN!!! :) er það ekki.

[Ingvar Valgeirsson, 20.9.2007 kl. 10:20]

Já, Stefán, ég veit að þú veist - þú stóst við hliðina á mér meðan ég smíðaði (smeið) getraunina... þú mátt ekki svara þessvegna. Skal borga þér pítu fyrir að halda þér saman.

Enginn með rétt ennþá. Frekari vísbendingar seinna í dag.

[Jósi (IP-tala skráð) 20.9.2007 kl. 11:03]

Murray Head. One night in Bangkok og allt það, bróðir Anthony Head sem lék í Buffy The Vampire Slayer þáttunum og Little Britain þar sem hann lék jú forsætisráðherra.

Og nei, ég gúglaði þetta ekki. Þetta vissi ég.

[Ingvar Valgeirsson, 20.9.2007 kl. 12:06]

Forsætisráðherrann fór alveg með þetta...

Auðvitað er það Murray Head. Alveg málið.