Það held ég nú...

Airwaves að byrja. Sjálfur spilaði ég bara með Inga Val á Döbb í gær, með bullandi nábít og drakk bara te. Var svo stoppaður af löggunni, meira að segja leynilöggunni, á leiðinni heim. Ungur og ákaflega kurteis lögreglumaður og ung, kurteis og bráðhugguleg löggukona. Bara að tékka hvort ég væri nokkuð fullur, sem ég var einmitt ekki - aldrei þessu vant á fimmtudegi. Hafði bara gaman af.

Kom svo við í 10-11 á leiðinni í vinnuna í morgun. Sá efri partinn af Séð og heyrt í blaðarekkanum. Þar var flennistór fyrirsögn við mynd af Aroni Pálma hvar sagt var að hann væri kominn með kærustu. Við hliðina var svo mynd af Rut Reginalds. Hvað á maður að halda?

Svo er þetta bráðskemmtileg lesning.

Svo ætla ég ekki rassgat á Airwaves, verð bara heima með fullt hús af börnunum mínum og öðrum gestum að hafa það gott.

Veriði sæl.

Athugasemdir

[rabbabararúna (IP-tala skráð) 20.10.2007 kl. 15:24]

hvað áttu eiginlega mikið af börnum?

[Guðríður Pétursdóttir, 21.10.2007 kl. 00:34]

þau voru 7 síðast þegar hann taldi

[Brynhildur (IP-tala skráð) 21.10.2007 kl. 10:20]

fullt hús af börnunum mínum og öðrum gestum ???    Eru börnin þín gestir????

[Ingvar Valgeirsson, 21.10.2007 kl. 22:55]

Ókei - meinti fullt hús af börnum og gestum. Ánægð, gott fólk?

Ég á tvö, til að hafa það á hreinu. Yfirleitt kallaðir Eldri og Yngri-Sveppur, eða Prótótýpan og Litli.