Enn einn einsmellurinn

Hér sé enn einn einsmellurinn. Ágætislag.

Flytjandinn fékk BRIT-verðlaun fyrir plötuna - notar styttuna nú sem kjöthamar, að eigin sögn.

Annars er ég hress á mánudegi - langar að þakka Snorra feykivel fyrir að spila Rush og Numan í þættinum sínum á laugardaginn. Skilst reyndar að hann hafi gert svolítið af því, en ég hef (ljótt að segja þetta) voða lítið heyrt hingað til af þættinum Eigi skal slökkva. Er yfirleitt eitthvað að gera á laugardagskvöldum meðan þátturinn er í loftinu. Síðan í júlí hef ég verið að spila nebblega alla laugardaga nema þá sem ég hef eytt erlendis. Gaman að því.

Eníhjú, allir hressir?

 

Athugasemdir

[Haukur Nikulásson, 29.10.2007 kl. 15:52]

Sammála Ingvar, fínt lag. Við erum nú ekki alltaf sammála í þessum efnum!

[Ingvar Valgeirsson, 29.10.2007 kl. 16:15]

Né öðrum efnum...

:)

[Snorri Sturluson, 29.10.2007 kl. 17:09]

Ekkert að þakka!  Verði þér bara ofboðslega mikið að góðu og hættu svo að vinna svona eins og kleppari.  Sérstaklega á laugardagskvöldum.  Og útlönd eru ofmetin.

Það er hressandi að rifja upp blöðrur eins og Sleeping Satellite, en rétt þegar Tasmin frænka okkar var að hefja upp raust sína til að kyrja annað erindið mundi ég eftir annarri söngkonu sem á margt sameiginlegt með Tasmin...en er samt eiginlega ekki algjör einsmellungur.  Getraun dagsins...hver er þessi söngkona?  Fyrsta vísbending...í einu myndbanda sinna missir hún hlíf, er samt ekki alveg viss á því hvort það er regn- eða sól.

[Ingvar Valgeirsson, 29.10.2007 kl. 17:33]

Við Ingi Valur, vinnufélagi minn, meðspilari og félagi og vinur í alla staði réðum þetta svolítið í sameiningu - Des´ree. Myndbandið/lagið er Life. Jibbí. Þekktara er lagið Gotta be.

[Snorri Sturluson, 29.10.2007 kl. 21:02]

Grís!  Og svindl.  Svolítið svona eins og grindl.

Nei nei.  Það á ekki að skamma ykkur Inga Val fyrir skarpa hugsun og tóngreind.  Vel gert.

[Ingvar Valgeirsson, 29.10.2007 kl. 21:32]

Nei, þetta er pjúra heimska - meðan aðrir voru í skóla að smíða traustan grunn undir framtíðina og gera annað gáfulegt vorum við að hlusta á plötur og horfa á mússíkvíddjó, svona milli þess sem við æfðum okkur á gítar og lásum tónlistarblöð og græjubæklinga. Skólabókardæmi um hálfvitagang.

Núna vinnum við í hljóðfæraverslun meðan fólk á okkar aldri fær milljónir í jólabónusa hjá Kaupþingi og stýrir útibúum erlendis meðan það ekur um á Reinsróver (sem reyndar fóru úr tísku fjórum millisekúndum eftir að Geir Ólafs sást aka um á einum slíkum). Heldénú.