Bara hlekkur og röfl

Skemmtileg færsla hjá manni sem ég þekki ekki baun:

http://sjonsson.blog.is/blog/sjonsson/entry/695447/#comments

Skemmtilegt að Samfó skuli bæta við sig fylgi meðan Sjallarnir hríðtapa - því það er nokk greinilegt að þeir hafa síst staðið sig betur upp á síðkastið, nema í lýðskrumi.

Svo eru fjölmenn mótmæli í bænum - horfði á mótmælin síðasta laugardag í sjónvarpsfréttunum og er ekki frá því að eini maðurinn sem var nokkurnvegin edrú hafi verið Ómar Ragnarsson. Einhvernvegin finnst manni ekki mikið til koma þegar mótmælendurnir virðast verr haldnir af athyglissýki en þingheimur í heild.

Hvenær fáum við að kjósa menn, en ekki flokka? Þá verður meira gaman.

Að öðru - í Mogganum í dag er heilsíðuauglýsing frá DV, hvar þeir reyna að sýnast hæstánægðir með að hafa ekki veirð boðið á fjölmiðlafund forsætisráðherra sl. miðvikudag. Segja það toppmeðmæli í sínum bókum og segja það vegna þess að ráðamenn treysti ekki DV til að halda hlutum leyndum fyrir fólkinu í landinu. Svolítið eins og þegar sæta stelpan í bekknum vlldi ekki fara í sleik við mann á skólaballinu og maður reyndi að halda því fram að maður væri bar glaður með það, hún væri ekkert merkileg hvort eð er.

Ef ráðamenn vilja halda hlutum leyndum boða þeir varla til blaðamannafundar til að fjalla um málið, er það? Ætli ráðamenn hafi ekki sleppt því að bjóða DV frekar af þeirri ástæðu að blaðið er hlutdrægt, fullt af útúrsnúningum og rangfærslum og alls ekki treystandi til að fjalla um alvarlega hluti? Sú staðreynd að ráðamenn hafi ekki boðið DV á téðan fund sýnir manni frekar að kannski er þeim ekki alls varnað...

Athugasemdir

[Magnús Geir Guðmundsson, 2.11.2008 kl. 03:09]

Æ Ingvar,hvar er þinn hárfíni húmor í þessari færslu, saknað hans, nema að þú sért búin að setja á hann vkóta eða hefur stungið honum undir stól! Allt í þessu fína að styðja ekki mótmæli sem þessi að einhverjum ástæðum, sért jafnvel á móti að fólk sýni skoðanir sínar eða tjái þannig, en pínu kjánalegt að reyna að gera lítið úr þessu og vera með meiningar um annarlegt ástand þátttakenda!

Svo væri gaman að heyra þig útksýra nánar í hverju þetta lýðskrum S fram yfir D felst? Og þá máttu ekki fara að röfla um ESB eða að reka eigi Do, það stæðist ekki skoðun.

Hverja myndir þú svo í alvöru vilja kjósa á þing en eru ekki þar nú þegar og þá í D?

[Ingvar Valgeirsson, 2.11.2008 kl. 08:30]

Ef þú sást fréttirnar getur ekki hafa farið framhjá þér að áfengi var haft um hönd. Hélt reyndar að allir væru á sneplunum, en veit fyrir víst að Ómar er bindindismaður. Svo veit ég af fólki sem var þarna á svæðinu og blöskraði allverulega.

Svo er jú lýðskrum að ráðast á samstarfsflokkinn þegar maður er fyllilga samsekur - svo er það víst lýðskrum að ráðast gegn DO með þeim hætti sem ISG gerir og stenst alveg skoðun. ISG lét t.d. hafa eftir sér að seðlabankinn ætti ekki að vera í höndum fyrrerandi pólítíkusa, það sé prinsippatriði hjá Samfó. Sjálf sat hún í bankaráði Seðlabankans (hvar nokkur misseri. :) Enda er ákaflega gott að geta bent á mann, sem vinsælt er að vera á móti, þegar svo virðist sem flokksbróðir hennar, Björgvin G., sé síst saklaus i bankamálum, sbr. hlut hans í Bretamálinu, auk þess sem viðskiptaráðuneytið átti jú að sjá fyrir og setja lög um bankana (væntanlega ásamt fjármálaráðuneyti).

ESB og krónutal gæti líka flokkst undir skrum, enda asnalegt í miera lagi að taka fullan þátt í að kjafta niður eigin gjaldmiðil á tímum sem þessum. Það er alltaf auðvelt að selja skyndilausnir þegar fólk er örvæntingarfullt.

Ef hlekkurinn hér að ofan fór framhjá þér skal ég setja hann hér aftir:

http://sjonsson.blog.is/blog/sjonsson/entry/695447/#comments

[Magnús Geir Guðmundsson, 3.11.2008 kl. 00:41]

Þetta er afskaplega málefnalegt og rökstutt hjá þér Ingvar minn, "allir" já bara fyllibyttur og vitleysingjar og einhverjir eflaust nýbúnir að fá heilablóðfall líka eins og hr. E er svo sniðugur að geta sér til, enda var hann þarna og einvherjir já vinir þínir líka og þefuðu líklega af hverjum kjafti þúsund að minnsta kosti að tölu!?

(nema af Ómari auðvitað því þú veist að hann smakkar það ekki!)

Annars kemur þú mér á óvart Ingvar minn í þessu svari, svo furðuleg vanþekking í því að ég vil eiginlega ekki vera að gera lítið úr þér he´rna opinberlega með því að reka það ofan í þig.Enef það er lýðsskrum að benda á og taka undir gagnrýni sem jafnvel erlendir og óhlutdrægir sérfræðingar hafa bent á, þá hefur þetta hugtak öðlast öðlast alveg nýja merkingu annars vegar og t.d. varaformaður sjálfstæðisflokksins líka gert sig seka um lýðskrúm auk margra fleiri sem tjáð hafa sig og eru eða hafa verið yfirlýstir stuðningsmenn D.

[Diljá Sævarsdóttir, 3.11.2008 kl. 13:10]

Hefurðu fengið nóg af miðlum sem senda frá sér Djöfulsins Væl og Meiri Bölvuð Leiðindi?

ertu þreyttur á að fá 365 ástæður til þess að slökkva á sjónvarpinu þegar Ríkið Útvarpar Vitleysu? 

stilltu þig þá inná FKÍ

Fréttastofa Kvikmyndaskóla Íslands

fyrir kröfuharða Íslendinga!

en já annars var ég að borða dollu af túnfiski og er ennþá að jafna mig.... 

[Ingvar Valgeirsson, 3.11.2008 kl. 15:08]

Magnús:

Erlendir og óhlutdrægnir sérfræðingar - við skulum nú muna hvernir eiga fjölmiðlana sem velja hvaða sérfræðinga er vitnað í...

Ekki það að það skipti máli, DO hefur einna helst verið gagnrýndur síðustu daga fyrir síðustu stýrivaxtahækkun, sem er greinilegt skilyrði í 19. grein samkomulagsins um lánið frá IMF - sem sagt, ekki að hans undirlagi. Samt er hamrað á honum fyrir það, sérstaklega af Samfylkingarmönnum sem vita alveg hvernig málum er háttað. Þetta með lánaskilyrðin hefur grunsamlega lítið ratað í fréttirnar.

Annars er skemmtilegt með þessa sérfræðinga sem þú talar um - allir sáu þeir kreppuna fyrir að eigin sögn. Segja nú að fall krónunnar hafi verið eitthvað sem allir málsmetandi menn áttu að sjá fyrir. Samt heyrðist voðalega lítið í þeim áður en allt fór í klessu, sumir jafnvel (eins og Ólafur Ísleifs) voru búnir að fullyrða að botninum væri náð í mars. Aðrir mæltu í allt sumar fyrir myntkörfulánum, sögðu þau mun hagstæðari fyrir fólk en innlend lán í krónum. Nú vita þeir svo allt betur og segja að stjórnvöld og Seðlabankastjóri hafi átt að sjá þetta allt fyrir - rétt eins og þeir segjast hafa gert. Og fara mikinn í fréttatímum og brosa út að eyrum.

[Ingvar Valgeirsson, 3.11.2008 kl. 15:12]

Reyndar hefði mátt setja lög um bankana - en það er á ábyrgð þess ráðuneytis sem þeir heyra undir, Viðskiptaráðuneytisins. Í hvaða flokki er aftur ráðherrann þar?