Í fréttum er þetta helzt...

Sjónvarpið mitt er að segja mér að Jón Ásgeir sé að bæta við sig og eignast stóran hlut í Mogganum, svona ofan á alla aðra einkarekna fréttamiðla á landinu. Gæti breyst ef nýjir hluthafar koma inn á næstu dögum - eins líklegt og það er að einhverjir aðrir fjárfesti í fjölmiðlum í dag...

Hann átti dágóðan hlut í Glitni. Þeir sem áttu stærstan hlut í Landsbankanum réðu svo Mogganum.

Ég spyr bara eins og fávís kona úr sveit - á maður að treysta fjölmiðlum þegar fjallað er um hverjum kreppan er að kenna? Reyndar er stundum gaman að skoða muninn á fréttaflutningi hjá Baugs og Árvakursmiðlunum annarsvegar og svo hjá Rúv. Það nefnilega getur skipt býsna miklu máli hvenrig frétt er matreidd ofan í neytandann.

Kannski var fjölmiðlafrumvarpið ekki svo vitlaust, er það?

Annars er alltaf jafngaman af andriki.is - til dæmis fín lesning í dag, sem og marga aðra daga. Ekki er ég alltaf sammála þeim, en þeir eru býsna naskir á að benda á eitt og annað. 

Athugasemdir

[Brynhildur (IP-tala skráð) 3.11.2008 kl. 12:28]

..........það er nú ekkert frændi minn....hann..