Mér þætti gaman að vita...

hversu stór hluti af þeim foreldrum, sem eiga börnin sem talað er um í fréttinni, hafa keypt flatskjá, heimabíó eða nýjan bíl síðan barnið fór síðast til tannlæknis - nú, eða eytt óheyrilegum fjárhæðum í áfengi, tóbak eða utanlandsferð.

Sofna ekki án verkjalyfja

Athugasemdir

[Hrafndís (IP-tala skráð) 11.5.2009 kl. 13:54]

Sammála.

[Jens (IP-tala skráð) 11.5.2009 kl. 14:00]

Segjum að þetta sé rétt ábending hjá þér, að margir foreldrar hafi látið tannhirðu barna sinna sitja á hakanum fyrir veraldleg gæði eins og flatskjái, heimabíó eða nýjan bíl. Ég veit ekki hversu stór þessi hópur er, en gefum okkur að hann sé nokkuð stór.

Hvar er sanngirnin í að láta barn þjást, líkamlega og andlega, oft vikum eða mánuðum saman vegna heimsku foreldra sinna? Hver er lexían, "ekki eiga lélega foreldra, annars áttu skilið að þjást"?

Ef foreldrar klúðra uppeldi á barni, eigum við þá að stuðla að því að barnið fái örugglega að kenna á því? Því það er það sem við gerum með því að viðhalda þessu kerfi. Ættum við ekki frekar sem samfélag að reyna að bæta upp það sem foreldrunum mistókst, svo líkurnar á að úr komi heilbrigður og hamingjusamur einstaklingur séu sem mestar?

Ég myndi halda það.

[Alma Jenny Guðmundsdóttir, 11.5.2009 kl. 14:07]

Er sammála ykkur báðum hér að ofan ! Og já það er algerlega vandalaust !

Einn vinkill á málinu er samt sem áður þessi - Þarf íslenskt fullorðið fólk ekki  að taka ábyrgð á  sér og sínu lífi, þannig.  Manni finnst svo eðlilegt að fyrr sé farið með börnin til tannlæknis í stað einhvers drasls sem er keypt ímynd og keypt gæði !

Er það ekki mergurinn málsins - þarf íslenskur almenningur ekki að fara að líta svolítið í eigin barm og forgangsraða.

[Grétar (IP-tala skráð) 11.5.2009 kl. 14:22]

Nákvæmlega Alma, hún er alveg yfirgengileg forsjárhyggjan sem felst í því að ætla að kenna ríkisstjórninni um að börn og unglingar geti ekki sofið út af tannpínu.  Það bara hlýtur að vera meira en lítið undarleg forgangsröðun hjá fólki sem kaupir frekar meira af verkjalyfjum handa börnunum sínum en að fara með þau til tannlæknis.  Þó það kosti einhverja þúsundkalla.

[Sigurður Jóhann (IP-tala skráð) 11.5.2009 kl. 14:30]

ég var margbúin að segja þeim að nammi væri óhollt, spila fyrir þau karíus og baktus óteljandi sinnum og svo koma þau til mín og segjast vera með tannpínu!! og HVAÐ á ég að gera?! sleppa ferðinni á enska boltann? sleppa gps tækinu í bílinn??? kemur ekki til andskotans greina, þau verða bara að bíta á jaxlinn (það sem eftir er af honum) og halda kjafti þangað til þau hafa efni á þessu sjálf!

[Óskar (IP-tala skráð) 11.5.2009 kl. 15:10]

Þó að "þessir" aðilar finnist er þetta fjarri því að vera algilt.

Tannlæknar eru mis dýrir. Ég er heppinn með það að tannlæknarnir í mínu  heimabæ eru mjög sanngjarnir (Mosó)

Það eru alltaf svartir sauðir sem setja vín og sjónvar fram fyrir allt.

Það sem þarf aðallega í tannhirðu barna er að afhenda þeim ekki tannburstan sjálfum fyrir 10 ára aldur.

Þau hafa enga getu né kunnáttu til að bursta sig sjálf.

[Skaz, 11.5.2009 kl. 16:13]

Ok kannski eru dæmi um það að fólk hafi verið að eyða í sjónvörp frekar en börnin.

En finnst ykkur það virkilega líklegt? Að nokkuð foreldri láti barnið sitt þjást frekar? Það bara er ekki í samræmi við  það sem meirihluti fólks finnur til þegar börnin sín eru annars vegar. 

Þannig að mér finnst þetta frekar ósmekklegt að horfa á þennan hóp fólks og segja að þetta séu foreldrar sem vildu frekar hluti í stað heilsu barnsins síns...gerið þið ykkur grein fyrir því sem þið eruð að saka þetta fólk um? Eða eru þið bara að tala út um rassgatið á ykkur vegna einskærrar vanþekkingar á aðstæðum fólks sem lítið hafði á milli handanna fyrir hrunið og ennþá minna núna eftir hrunið?

[HAG (IP-tala skráð) 11.5.2009 kl. 18:19]

Þetta er þjóðarskömm að foreldrar nenni ekki að hirða um tennur barna sinna, ábyrgðin liggur hjá þeim en ekki ríkinu. Sonur minn er að verða átta ára og hefur aldrei fengið skemmd í tönn. Við höfum verið dugleg við að passa upp á tennurnar í honum. Vandamálið byrjar að mínu mati heima við hjá hirðulausum foreldrum.

[Jens (IP-tala skráð) 11.5.2009 kl. 19:10]

Haraldur, ef átta ára sonur nágranna þíns á hirðulausa foreldra, finnst þér sanngjarnt að hann þjáist illa af tannpínu fyrir það? Myndirðu segja honum að hann eigi þetta skilið, og foreldrar hans geti sjálfum sér um kennt?

[HAG (IP-tala skráð) 11.5.2009 kl. 20:03]

Fólk verður að taka ábyrgð á því sem það gerir (eða gerir ekki).

[Jens (IP-tala skráð) 11.5.2009 kl. 22:01]

Þú svaraðir ekki spurningunni minni. Finnst þér það sanngjarnt?

Ég er alveg sammála því að fólk verði að taka ábyrgð á því sem það gerir eða gerir ekki.

En finnst þér líka eðlilegt að börn verði að taka ábyrgð á því sem foreldrar þeirra gera eða gera ekki? Er það sanngjarnt gagnvart barni?

[Ingvar Valgeirsson, 11.5.2009 kl. 22:01]

Það má jú segja að börn eigi ekki að þjást vegna þess að foreldrar þeirra sé... ja... misjafnlega mikið tilbúnir að leggja á sig fyrir vellíðan þeirra.

En hvenær kemur þá að því að við sendum hollar máltíðir heim til þeirra, svona ef ske kynni að foreldrarnir væru slúbbertar sem byðu þeim ekki upp á hollan mat? Hrein föt, því ekki mega börnin líða fyrir það að foreldrarnir nenni ekki að þvo af þeim? Láta bara yfirvöld taka fram fyrir hendurnar á foreldrum í alla staði svo börnin líði ekki fyrir lúðaskap foreldranna?

[Jens (IP-tala skráð) 11.5.2009 kl. 22:16]

Þetta er nú aumur strámaður. Barn sem þjáist svo úr tannpínu vegna slæmrar tannhirðu (foreldrum að kenna) að það þarf verkjatöflur til að sofna er ekki hægt að bera saman við barn sem borðar "ekki hollan" mat. Nær væri að bera það saman við barn sem fær svo lítinn mat hjá foreldrum sínum að það sveltur og þjáist af næringarskorti. Og er kannski eðlilegt að koma því barni til hjálpar? Eða fyndist þér það kannski eiga skilið að svelta vegna vanrækslu foreldra sinna?

Ég skal svara fatadæminu þínu þegar þú gefur mér dæmi um að óhrein föt hafi valdið vítissársauka á við þann sem fylgir krónískri tannpínu.

[Katrín Linda Óskarsdóttir, 11.5.2009 kl. 23:44]

Halló!!!!!!  Börn eiga ekki að þjást vegna þess að þau eru svo óheppin að eiga efnalitla foreldra eða foreldra sem hafa farið halloka í lífinu. ALVEG SAMA hversu slæmir foreldrarnir eru, börn eiga ALDREI að þurfa að þjást af t.d. tannpínu eða öðrum sársauka vegna þess. Ef börn eiga foreldra sem setja áfengi, tóbak eða önnur vímuefni í forgang þá er það EKKI börnunum að kenna og þau eiga ekki að þjást vegna þess.  Ég tel frekar líklegt að margir foreldrar vildu gjarnan en geta ekki, farið með börnin sín reglulega til tannlæknis.  Foreldri sem er t.d. með 130þús útborguð laun á mánuði, reykir hvorki né drekkur áfengi á ekki margra kosta völ  !!!!!

[Ingvar Valgeirsson, 12.5.2009 kl. 08:34]

Jens - þú hefur ekki efni á að segja að einn eða neinn sé aumur á einhvern hátt fyrr en þú skrifar undir með fullu nafni.

Færslan hér að ofan, stutt sem hún er, er svona meira ætluð til að fólk hugsi aðeins um forgangsröðun sjálft en ekki sem einhver stórfengleg yfirlýsing. Þetta er ekki fullyrðing um að allir foreldrar tannpínuþjáðra barna séu sjálfhverfir slóðar, þó sumir virðist taka því þannig.

Ekki missa sig - bara hugsið málið, er ekki fullt af fólki sem hugsar frekar um lítilfjörlegt drasl en að börnin þeirra hafi það skítsæmilegt?

[Elvar Geir Sævarsson (IP-tala skráð) 12.5.2009 kl. 10:13]

Ingvar, strámaður er nafn sem notað er yfir rökvillu/brellu. Rökvillu/brellu sem þú beittir. Mjög vinsæl meðal pólitíkusa. Villan er þegar einhver notar gagndæmi við ákveðna fullyrðingu þar sem viðkomandi(þú) gerir andstæðingi sínum upp skoðun sem viðkomandi(þú) ræðst síðan á. Þær aðstæður sem þú segir að geti komið upp í framhaldi þess að ríkið myndi koma að tannlækningum á ný, byggja á fjöldanum öllum af forsendum sem hafa ekki komið fram og við vitum ekki hvort þær geri það. Það að ríkið komi að tannlækningum segir okkur ekkert annað en að ríkið komi að tannlækningum. Sá sem er þeirrar skoðunar að tannlækningar ættu að vera niðurgreiddar af ríkinu er ekki endilega þeirrar skoðunar að ríkið eigi að senda latabæjarmatarbakka heim til vannærða barna vegna ruslfæðis. Þess vegna getur þú ekki notað þinn gildisdóm um fáránleika matarbakkagjörnings sem rök gegn því að ríkið komi að tannlækningum.  Algengt var t.d að gagnrýna eflingu sérsveitar B. Bjarnasonar á sínum tíma með þeim strámanni að næsta sem myndi gerast væri íslenskur her og leyniþjónusta með tilheyrandi persónunjósnum og fangabúðum, útlegð og ég veit ekki hvað og hvað. Efling sérsveitar var samt sem áður bara efling sérsveitar.

Ég tel mig vita hvað þér gengur til, sem hljóta að vera áhyggjur þínar af pólitískum afleiðingum þess að ríkið hefji afskipti af tannhirðu barna. Þig grunar að vinstristjórnin ætli að ganga lengra í afskiptum sínum af hinum frjálsu þegnum landsins með hræðilegum afleiðingum. Gott og vel, en ef þú ætlar þá leiðina máttu ekki rugla saman rökum af pólitískum afleiðingum annarsvegar og tannheilsu barna hinsvegar. 

Þegar Jens (og hans skráða IP-tala) notaði orðið strámaður var hann að spara sér færslu sem þessa. Jens var ekki að kalla þig auman, heldur strámanninn þinn. 

[Ingvar Valgeirsson, 12.5.2009 kl. 11:28]

Ég veit hvað strámaður þýðir - orðaði þetta illa, en meiningin var að það á ekki að segja að eitt eða neitt sé aumt ef maður getur ekki skrifað undir með fullu nafni. Að koma fram undir einu fornafni er ekki merkilegt, nema þá ef maður er viss um að viðmælandinn þekki mann.

En færslan hafði svo sem ekkert að gera með afskipti ríkis af tannhirðu barna. Ég var aðallega að hugsa um hversu margir hugsa illa um afkvæmin, en þeim mun betur um sjálfan sig. Æði margir þeirra kvarta svo yfir því að ríkið sjái ekki nógu vel um þá.

Hafa annars ekki tannlæknar og ríki reynt að semja án niðurstöðu nú í áraraðir? Það er ákaflega gott fyrir samningsstöðu tannlækna ef pressa er sett á ríkið að semja - og þar hjálpar þessi viðmælandi Moggans til, prófessor við tannlæknadeildina.

[Ingvar Valgeirsson, 12.5.2009 kl. 11:36]

Og jú, IP-tala téðs manns gerir voðalega lítið fyrir mig, nema þá ef ég þarf að leita lengra. Ég sé ekkert heima í stofu hver þetta er. Svo er jú bara lágmarkskurteisi að kynna sig.

[Haukurinn (IP-tala skráð) 12.5.2009 kl. 16:56]

já Jens, Haraldur

[Hólmur Hannsteins (IP-tala skráð) 14.5.2009 kl. 11:18]

Strámaður er svona eins og þegar einhver minnist lauslega á að kannski sé mögulega aðeins smá ástæða til að skoða innflytjendalöggjöfina og menn stökkva upp og kalla hann rasista, ekki satt?