Ingvar Valgeirsson

22.5.2009 | 16:07

Bíógetraun í erfiðari kantinum

Nú skal snarað fram bíógetraun og leyfi ég mér að fullyrða að erfiðari getraun liggur ekki á lausu.

Spurt er um leikara. Hann er hreint ekki mjög frægur.

Þrátt fyrir að vera ekki stærsta nafnið í bransanum hefur hann leikið í Óskarsverðlaunamyndum og leikið á móti eðalleikurum á borð við Anthony Hopkins og Robert De Niro, svona til að nefna einhverja. Jú, og svo hefur hann leikið í myndum með tveimur Bond-um, þeim Pierce Brosnan og Daniel Craig.

Hans fyrsta hlutverk var í ákaflega vinsælli mynd fyrir rúmum þremur áratugum. Þar lék hann atvinnulausan mann sem gengur til liðs við glæpasamtök. Í þeirri mynd lemur hann mann í hausinn með hafnarboltakylfu í ansi hreint skemmtilegu atriði.

Síðan þá hefur hann leikið í óheyrilegum fjölda bíómynda og allnokkrum sjónvarpsþáttum, misgóðum auk þess að leika á sviði.

Enívonn?

Flokkur: Bloggar | Facebook