Afsökunarbeiðni?

Aðstoðarmaður forsætisráðherra segist hissa á að Rúv og Mogginn hafi ekki rokið upp til handa og fóta vegna afsökunarbeiðni Jóhönnu Sigurðardóttur vegna efnahagshrunsins í fyrra.

Í fréttinni, sem hlekkt er á hér að neðan, segir:

„Þjóðin er í sárum. Hún hefur liðið þjáningar og skaða sem enn sér ekki fyrir endann á. Þess vegna á hún heimtingu á afsökunarbeiðni. Það er síðan rannsóknaraðila og dómstóla að leggja grunn að, og sjá svo til, að þeir sem ábyrgð bera axli hann," sagði Jóhanna.

Er þetta afsökunarbeiðni? Jú, það er sagt að þjóðin eigi afsökunarbeiðni inni hjá einhverjum, en afsökunarbeiðnina sjálfa sé ég ekki. Sagði hún kannski meira eða telst þetta afsökunarbeiðni? Eða er Hrannar í ruglinu? Einhver? 

Hér er fréttin:

http://visir.is/article/20091007/FRETTIR01/38376144

Athugasemdir

[kjartan (IP-tala skráð) 7.10.2009 kl. 11:59]

http://eyjan.is/blog/2009/10/06/johanna-bidur-thjodina-afsokunar-a-vanraekslu-og-andvaraleysi-stjornvalda/

[Ingvar Valgeirsson, 7.10.2009 kl. 12:08]

Breytir talsverðu að sjá þetta í heild, svo ekki sé meira sagt. Ætli tilvitnunin í fréttinni hafi verið gripin af handahófi?

[Ingvar Valgeirsson, 7.10.2009 kl. 12:08]

Jú, og þakka þér fyrir, Kjartan.

[Magnús Geir Guðmundsson, 9.10.2009 kl. 14:38]

Sæll Ingvar minn, þú ert í stuði sem endranær, gott mál! En þarna virðist semsagt þitt "Stóra hneykslunarfjall", hafa orðið til úr "lítilli sakleysismús", eða þannig!Svo er rétt að minna á (og það hefði nú þinn store bro getað líka gert) að Hrannar B. er nokkuð snjall skákmaður og hefði því seint klikkað svona ílla áði, eins og þú varst nú að vona ekki satt?!

[Ingvar Valgeirsson, 10.10.2009 kl. 13:14]

Hvaða "Stóra hneykslunarmál"? Ég var nú einfaldlega að spyrjast fyrir um hvort kerlingin hefði nú ekki sagt eitthvað meira, svona fyrst Hrannar fór svona mikinn.

Annars er svolítið asnalegt að hún sé að biðjast afsökunar á einhverju sem hún á ákaflega litla sök á sjálf. Nær væri að flokksbróðir hennar, Björgvin, tæki það að sér. :)