Heimsmet í óléttu

Datt niður á eilitla frétt af fræga fólkinu í útlöndum. Oft gaman að þeim, sérstaklega í þetta skiptið. Þar segir að leikarinn David Boreanaz sé ekki með fulla stjórn á sprellanum, því hann hafi eilítið verið að halda framhjá kerlu sinni. Það er almennt illa séð, allvega ef maður gleymir að spyrja um leyfi.

Það kom mér svo sem ekkert á óvart að einhver sjónvarpsleikari vestanhafs sé talinn dúndra framhjá. Það hefur víst gerst áður. En orðalagið vakti athygli mína, en ritað var:

"Leikarinn David Boreanaz, sem er þekktastur fyrir hlutverk sitt sem Angel úr sjónvarpsþáttunum um vampírubanann Buffy, er sagður hafa átt í áralöngu ástarsambandi við aðra konu á meðan eiginkona hans gekk með annað barn þeirra". 

Hvað gekk hún eiginlega lengi með krakkann, fyrst hann gat haldið framhjá henni árum saman meðan hún var ólétt?

Þess má svo geta að þessi ágæti leikari leikur líka annað aðalhlutverkið í sjónvarpsþáttunum Bones. Þar er hann hress.

Fréttina má sjá hér:

http://vefblod.visir.is/index.php?s=3476&p=81885