Gott ef það er ekki bara stuð!

Ég er geypihress, ekkert að spila í kvöld, Sveppur hinn litli í pössun, jafnvel að við hjónin kíkjum eitthvað út eða eitthvað. Eða ekki.

Eníhjú, var að spila með Inga Val á Döbblíner í gær á síðasta kvöldi reykjarmökks og ólyktar. Því voru leikin lög eins og Það er algjör vitleysa að reykja, Smoke on the water og öll önnur lög sem höfðu einhverja tilvísun í reyk í textanum - líka Because I got high og Rainy day women (everybody must get stoned), þótt þar sé verið að tala um annan reyk en tóbaks... eða þannig sko.

Áður en við byrjuðum að spila vorum við svo stálheppnir að Svenni litli söngleikjastrákur mætti, ekki bara með tvær kerlur upp á arminn heldur líka Popppunktsspilið, sem ég var að prófa í allrafyrsta - en örugglega ekki síðasta - sinn. Tókum tvo leiki og ég vann báða - nema hvað? Á döbb viðrar vel til spilerís af þessu tagi og verður því að teljast líklegt að þetta verði endurtekið og helst sem allra, allra fyrst.

Utan þess sem ég hef skrifað er fátt að frétta, nema hvað að ég komst að því í dag að uppáhaldsgrænmetið mitt eru harðsoðin egg og túnfiskur.

Athugasemdir

[Haukur Viðar, 1.6.2007 kl. 22:02]

Djöfull myndirðu skíttapa fyrir mér í þessu spili

[Guðríður Pétursdóttir, 1.6.2007 kl. 22:48]

heppin þið.. enjoy

[Hannes Heimir Friðbjörnsson, 3.6.2007 kl. 21:02]

Hentu mér í vinalistann þinn, er byrjaður á mbl.is

[Brynhildur (IP-tala skráð) 4.6.2007 kl. 14:08]

Þá geturðu komið til mín í túnfisksalat ef þú fílar laukinn líka, en hann er náttulega ekki grænmeti eins og hitt baralaukur.

Kv, Brynkúabóndi.

P.S. Ekki vissi ég að Hannes væri bróðir Björns Jörundurs hihihhi samfeðra sveinar.