Ánægjulegt

Hreint yndislegt - "strákarnir okkar" ná svona langt í keppni í póker - sem er um það bil bannaður á Íslandi. Ekki nóg með það, heldur er þetta ekki talið til íþrótta svo Sjónvarpið vill ekki sýna frá mótum í spilinu. En ef keppt er í golfi, boltasparki eða skák, sem einhverra hluta vegna teljast göfugri keppnisgreinar, má seinka fréttatímum og leggja heilu og hálfu dagana undir beinar útsendingar.

Pókerinn hefur það fram yfir aðrar íþróttir (fyrst skák er kölluð íþrótt hika ég ekki við að kalla póker íþrótt) að þar er jafnrétti í hávegum haft - konur og karlar sitja, allavega stundum, við sama borð og keppa hvert við annað. Af hverju er sér kvennaflokkur í skák?

Íslendingar í úrslitum í heimsbikarmóti í póker

Athugasemdir

[Ingvar Valgeirsson, 7.9.2007 kl. 11:17]

Það er örugglega skemmtilegra sjónvarpsefni en golf.

[Inga Þyri (IP-tala skráð) 7.9.2007 kl. 15:49]

Er í alvöru sér kvennaflokkur í skák?? Mér er stórlega misboðið

Húrra fyrir þér Ingvar 

[Elvar Geir Sævarsson (IP-tala skráð) 8.9.2007 kl. 16:45]

Þessi færsla er í Bleðlinum í dag.

[RabbabaraRúna (IP-tala skráð) 8.9.2007 kl. 22:41]

ertu alveg búinn að tapa þér Ingvar? póker..... held það sé þá bara kvenna fata póker