Ammæli og morð auk trúarlegra hugleiðinga

Í dag eru þrjú ár síðan eitthvert skítseyði tók sig til og skaut Dimebag Darrel gítarleikara til bana ásamt einhverjum fleirum. Einnig eru 27 ár síðan annar vitleysingur skaut ívið frægari poppara, John Lennon, til bana. Alþjóðlegi drepum-poppara-dagurinn.

En til að bæta fyrir það eiga þau Rúnar Friðriksson, söngvari Sixties, og Brynhildur Snúllukleina bæði afmæli í dag. Þau eru bæði sæt og fín og verða vonandi í matinn hjá mér einhverntíma.

Svo vona ég að þessir guðir, séu þeir til (sem þeir eru ekki samkvæmt minni trú) sinni ekki þessari dómskvaðningu og mæti í dómssal. Held að ef maður sé feykivinsæll guð gæti maður (guð) móðgast ef einhver plebbi úti í bæ stefnir manni (guði) í réttarsal. Í þeirra sporum myndi ég kannski ljósta þá ellegar breyta þeim í saltstólpa... eða ekki.

Guðir hindúa boðaðir í dómsal

Athugasemdir

[rabbabararúna (IP-tala skráð) 9.12.2007 kl. 16:53]

Ætlarðu að borða þau?

[Ingvar Valgeirsson, 9.12.2007 kl. 19:02]

Búinn að því.

[Brynhildur (IP-tala skráð) 10.12.2007 kl. 10:30]

Takk fyrir að muna alltaf eftir almæninu mín ensku snúðastrimlakleinan mín

Knús og kram frá Bryn

[J. Einar Valur Bjarnason Maack , 10.12.2007 kl. 18:37]

Já... en ég meina... hvernig ætlar þetta fólk að skilja Ganesha eða Hanuman sem báðir hafa dýrhausa eða ná að skynja Sri Krishna í sinni óendanlegu vídd sem toppur hins alhelga þríeindar guðdóms...

Ég myndi mæta á sýru. Eina leiðin.

Af því þeir eru ekki til frekar en páskahérinn, jólasveinninn eða Jéhó... 

[Ingvar Valgeirsson, 10.12.2007 kl. 19:11]

Ja, einhver í henni Ameríku kærði einhverntíma Satan sjálfan fyrir eitthvað. Kærunni var vísað frá sökum þess að ákærði hafði ekki lögheimili í fylkinu.