James Bond-getraunin

Best að gera tilraun. Mig langar að koma með bíógetraunir, kannski nokkrar, um leikara (eða kannski leikstjóra, leikkonu, tónlistarmann eða eitthvað) sem tengjast James Bond beint eða óbeint. Þetta geri ég eingöngu vegna þess að ég þarf ekki að fara að sofa og leiðist.

Spurt er um leikara.

Hann spilar á hljóðfæri og stundar íþróttir af miklum móð.

Hann hefur leikið í vampýrumynd.

Hver er?

Líklega er þessi erfið, en maður veit aldrei þegar Jósi er á vappi um netheima.

Athugasemdir

[Guðmundur Egill Erlendsson (IP-tala skráð) 24.4.2008 kl. 07:01]

Nei Ingvar - þetta er bara einn maður - og enginn annar en Christopher Lee - og karakterinn úr Bond '74 The Man With The Golden Gun er Francisco Scaramanga. Eitthvað hefur téður leikari duflað við golf og enn meira nuddað sér upp í frægustu vampíru sögunnar eða sjálfan Dracula.

[Gwendr aftur (IP-tala skráð) 24.4.2008 kl. 07:13]

Bíddu aðeins - ég á eftir að bæta aðeins í þetta þar sem að CL er búinn að gefa út hljómplötur og spilar þar á vandmeðfarnasta hljóðfærið - raddböndin... hana nú - hrektu þetta....

[Ingvar Valgeirsson, 24.4.2008 kl. 11:27]

Nei, alls ekki hann, en ágiskunin er góð. Með "hljóðfæri" var ég ekki að meina rödd. Lee reyndar stundaði íþróttir lengi, t.d. skylmingar, en gerir það ei lengur sökum þess að hann er áttatíuoghellingur ára gamall. Manstu, ég sagði "af miklum móð", svona til þess að tryggja mig.

Eníhjú, góð ágiskun, en ekki rétt. Enginn vindill.

[Kristján Kristjánsson, 24.4.2008 kl. 13:03]

Gerard Butler?

[Ingvar Valgeirsson, 24.4.2008 kl. 15:00]

Onei. Ekki hann.