Ekki öll sagan sögð...

Þessi frétt segir okkur að verð á matvælum sé allverulega mikið hærra en það er að jafnaði innan ESB. En svo má spyrja sig nokkurra spurninga, eins og t.d. hversu mikið hærri laun eru hérlendis miðað við meðaltal innan ESB og hvort eitthvað bendi til þess að matvælaverð lækki ef við göngum í sambandið.

Það má gera margt til að lækka matvælaverð án þess að ganga í þetta blessaða samband. Ákveðnir þingmenn og ráðherrar Samfylkingar hafa t.d. talað um að tollar á innflutt matvæli muni lækka. Er nokkuð því til fyrirstöðu að lækka þá án þess að ganga í sambandið, og þá jafnvel helst sem fyrst?

Evrópusambandið er engin töfralausn, þau lönd sem þar eru kljást við verðbólgu eins og við - t.d. er verðbólgan um 18% í Lettlandi um þessar mundir og Írar virðast ekkert allt of hressir með sitt á þeim bænum.

En það skiptir ekki máli, við endum þarna inni - það verður kosið um það einhvern daginn og ef við segjum nei þá verður bara kosið aftur þangað til "rétt" niðurstaða fæst...

Verð á mat 64% hærra en í ESB

Athugasemdir

[Haraldur Davíðsson, 20.5.2008 kl. 19:56]

Þetta er líklega það eina sem ég, þú, og Sjallarnir erum sammála um

[Ingvar Valgeirsson, 21.5.2008 kl. 09:55]

Ekki nóg með það, mér sýnist að ég, þú, Sjallarnir og Vinstri grænir séum sammála um þetta. Það eru ekki mörg málefni sem falla í þá kategoríu!