Ingvar Valgeirsson

8.6.2008 | 21:00

Lord off ðö ríngs teiknieitthvað

Við Miðju-Sveppur ætluðum í bíó áðan, en sökum þess hve pabbi hans var syfjaður og bíóauglýsingin asnaleg fórum við í kolvitlaust bíó þar sem var enginn Horton. Við ákváðum að vera samt hressir og fara bara í Kolaportið og sjá hvort við sæjum ekki bara einhverjar skemmtilegar myndir til sölu fyrir lítinn pjéning. Sú varð jú raunin, fundum fullt af víddjóspólum á 100-kall og báðar Lord of the Rings-teiknimyndirnar á duvvd. Gaman að því.

Nú, stanslaus gestagangur, allir að koma að skoða nýjasta afkvæmið - best að hafa gleraugun með, strákurinn er jú svo lítill. Hann stækkar þó eflaust þegar fram líða stundir.

Hafði ekkert að segja svosem, ákvað bara að skrifa eitthvað. Maður veit ekkert hvað maður á að gera þegar mann sé ekki að vinna. Ekki nema að hneykslast á fréttunum - Sturla að stofna stjórnmálaflokk. Fær m.a.s. Flokk mannsins til að líta vel út. Skil alveg að einhverjir séu óánægðir með stjórnvöld og allt það, en fulllangt gengið að líkja þeim við Lúðvík 14. Frekar kýs ég Astþór sem einræðisherra.

Blablabla... ætlaði að skjóta fram getraun, en nenni því ekki. Blessíbili.

Flokkur: Bloggar | Facebook