Saga af Sveppi

Ein saga af Miðju-Sveppi:

Ég var að horfa á fréttirnar og Sveppur að leika sér hér um kvöldið. Þá sgði fréttamaðurinn mér frá því að einhverjir skítalabbar í útlandinu hefðu rænt stórfé af ABC-barnahjálp, fé sem væntanlega hefur átt að nota til að fæða og klæða bágstödd börn. Lægra er erfitt að komast.

Eníhjú, Sveppur horfði á, stórhneykslaður. Skildi alvarleika málsins þó hann sé bara fimm vetra og fylltist réttlátri reiði. Horfði á mig og sagði eitthvað eins og "Þetta eru örugglega algjörir skítalabbar. Ég vona að löggan nái þeim og berji þá og setji þá í fangelsi!"

Ég gat ekki mótmælt því.

Svo bætti hann við "Og ég vona að löggan setji þá í fangelsi í mörg ár!"

Auðvitað var ég sammála.

Svo lokaði hann umræðunni með "Og hengi þá svo alla saman!" og strunsaði inn í herbergi að leika sér.

Ég var eiginlega alveg sammála krakkanum. Fékk samt á tilfinninguna að hann hafi mögulega séð Oliver Twist aðeins of oft.

Annars erum við í Swiss að leika á Dubliner um helgina, aldrei þessu vant. Nánar um það á swiss.blog.is.

Athugasemdir

[Áslaug Helga Hálfdánardóttir, 12.11.2008 kl. 18:34]

ha,ha,ha, skemmtilegur strákur með sterkar skoðanir á hlutunum!