Bíógetraunin úti á Skúlatúni

Enginn hefur giskað rétt í bíógetrauninni. Það held ég nú.

Því er skást að koma með fleiri vísbendingar. Byrjum samt á að endurtaka það sem komið er:

Hann sló svolítið í gegn fyrir mörgum árum er hann lék í sinni fyrstu bíómynd, en myndin kom svo illa við sumt fólk að honum bárust morðhótanir í bunkum. En það var svosem í lagi, því hann fékk líka tilnefningar til virtra kvikmyndaverðlauna.

Nú, eins og stundum vill verða festist okkar maður allnokkuð  í hlutverkinu sem gerði hann frægan. Hann lék aðallega í sjónvarpsþáttum og á sviði eftir að bíómyndin sló í gegn, en gaf líka út plötur og vann mikið í tónlist, jafnvel með einum vinsælasta tónlistarmanni allra tíma. Jú, svo lék hann í einni Spielberg-mynd líka.

Svo er hann líka dáinn, blessaður kallinn. Jú, og tengist örlítið Living Colour, svona þannig. Eiginlega. Óbeint.

Svo eru nýjar vísbendingar - leikarinn, sem spurt er um, var blökkumaður. Já, kolsvartur.

Hann lék mest á sviði. Var til dæmis í Shakespeare-verki (allavega einu, líklega fleirum) á Broadway um tíma.

Svo má geta þess að myndin, hvar hann sló í gegn, er byggð á vel þekktu leikverki, sem hefur verið sett upp á sviði hérlendis. Okkar maður lék í allnokkrum uppfærslum á því stykki gegnum tíðina.

Hver er maðurinn? Kommon...

Athugasemdir

[Hans (IP-tala skráð) 17.4.2009 kl. 13:31]

Ice T?

[Magnús Geir Guðmundsson, 17.4.2009 kl. 14:57]

Nú, ég lagði nú saman tvo og tvo með hörundslitin, ekki alveg úti.. En gæti verið að þessi ágæti leikari hafi birst í seríu einni á RÚV fyrir svona 14 árum+ sem einkaspæjari?

Nú er ég kannski í alvöru komin út á tún!?

[sven (IP-tala skráð) 17.4.2009 kl. 15:13]

Ice-T er ekki látinn...

[Bjarni (IP-tala skráð) 17.4.2009 kl. 15:56]

Þar er sjálfur mannssonurinn í allri karlmennsku sinni, Carl Anderson!