Ingvar Valgeirsson

29.5.2009 | 21:06

Hvernig er með þessa fokkings bíógetraun?

Nú, enginn virðist vera að átta sig á bíógetrauninni að þessu sinni. Sem er gott.

Hér skulu endurteknar vísbendingar og nýjum bætt við:

Spurt er um leikara.

Hann þykir alveg einstaklega viðkunnanlegur maður, skemmtilegur og nokkuð málglaður. Sem er gott ef maður hefur eitthvað skemmtilegt að segja.

Hann er klassískt menntaður leikari og hefur leikið í bíó síðan á fyrri hluta áttunda áratugarins, fyrir 35 árum síðan.

Það tók hann þó allnokkurn tíma að slá í gegn, þó segja má að persónan sem hann lék hafi slegið mun meira í gegn en leikarinn. Reyndar hefur okkar maður leikið þann karakter nokkuð oft.

Hann hefur leikið í mynd með Arnold Schwarzenegger.

Hann hefur líka, í seinni tíð, eilítið fengist við að leikstýra.

Þessi klassískt menntaði leikari, sem spurt er um, lék nýverið í mynd með einni af frægustu leikkonum heims og kallinum hennar. Myndin þykir... ja, súr í meira lagi.

Hann ekki bara nam leiklist, heldur tók hann sig til um tíma og kenndi við þann sama skóla og hann nam við.

Eins og áður sagði hefur þessi góði drengur leikið sama karakterinn. Siðast var það fyrir fáum árum síðan og þá fékk hann slétta milljón dollara fyrir vikið. Gott hjá honum.

Nú, hér er svo ný vísbending:

Eins og áður sagði er leikarinn aðallega þekktur fyrir að leika vissan karakter, en hann hefur leikið þann karakter nokkrum sinnum. Sá karakter hefur, furðulegt nokk, oftar en einu sinni verið drepinn. Nú síðast var hausinn höggvinn af honum.

Nú, eins sagði ég áður frá því að þessi leikari lék nýverið í mynd með ákaflega frægri leikkonu og kallinum hennar. Sá hefur ekki fengist mikið við að leika, en er vel þekktur íþróttamaður og hefur tekið þátt í raunveruleikasjónvarpsþætti. Hann getur örugglega lamið þig.

Hver er sá sem spurt er um?

Pabbi hans átti stóran þátt í að hanna ákveðinn hlut sem spilaði nokkuð stóra rullu í Kalda stríðinu.

Flokkur: Bloggar | Facebook