Saga úr Borders í Lundúnakjördæmi

Nú er Borders-bókaverslanakeðjan að fara á hausinn. Það er leiðinlegt, eins og oftast þegar fyrirtæki fara á hausinn.

Eníhjú, ég fór eitt sinn í Borders-verslun í London. Keypti mér James Bond-dagatal og fleira góðgæti, sá bækur eftir Arnald og varð kátur. Kíkti á teiknimyndasögur og sá Tinnabækur á ensku. Þar vantaði samt Tinni í Kongó, en stúlkan í búðinni sagði mér að sú bók hefði verið tekin úr hillum bókaverslana þar á bæ vegna kynþáttafordóma.

Á leiðinni úr úr búðinni sá ég samt Mein Kampf eftir Foringjann uppi í hillu. Mér fannst alveg nógu fyndið að Tinni væri tekinn úr hillunum vegna rasisma, en Adolf fengi að vera áfram. Rangstaða.

Borders í Bretlandi gjaldþrota

Athugasemdir

[Hilmar Kári Hallbjörnsson (IP-tala skráð) 18.12.2009 kl. 22:17]

Túsjei kammerat Ingvar.

Þetta hljómar samt miklu meira ammerískt en breskt.  Samt mjög fyndið að flokka Tinna svona.  En Bretar sögðu Teletubbies líka vera Gay og vildu banna þá .....

[Gauti, 19.12.2009 kl. 09:36]

það var bara þessi fjólublái sem átti að vera gay, hann er með þríhyrning á hausnum líka.

Ég leitaði lengi að Tinna í Kongó og hef bara lesið hana einusinni. Það var allt safnið, fyrir utan Tinna í Kongó og Tinna í Ameríku, til hjá Afa og ömmu uppí sveit. Tinni í Ameríku var til hjá Tannlækninum en Tinna í Kongó fann ég svo í fermingarveislu einusinni og var mjög glaður :)

[Ingvar Valgeirsson, 19.12.2009 kl. 20:54]

Það er nú ekkert - ég á "Tinni í Sovétríkjunum". Ég vann.