Leikaragetraun

Já, eftir allnokkra bið skal skotið fram leikaragetraun.

Spurt er um leikara - döh!

Sá, sem spurt er um, er kominn yfir miðjan aldur. Virðist samt hress.

Hann hefur leikið á sviði, í bíó og í sjónvarpsþáttum.

Hann hefur leikið leigumorðingja, galdrakall, fíkniefnamógúl og margt fleira, en mér finnst eitt flottasta hlutverk hans alltaf vera þegar hann lék bílstjóra hljómsveitarrútu.

Eitt af hans fyrstu bíóhlutverkum var í þekktu verki sem hefur verið sett upp á sviði hérlendis. Sama hlutverk endaði síðast hérlendis í höndum landsþekkts skemmtikrafts sem nú er kominn í pólítík.

Honum var eitt sinn boðin söngvarastaða í hljómsveit, en hafnaði því ágæta boði. Hljómsveitin hefur nú selt hátt í hundrað milljón plötur - án hans.

Hann var staddur á spítala í Dallas í Nóvember 1963 og varð vitni að því þegar JFK var fluttur þangað inn í hasti. Áttaði sig á hvað var að gerast þegar hann sá Jackie koma ásamt fylgdarliði.

Hver er maðurinn?

Athugasemdir

[Venni (IP-tala skráð) 9.8.2010 kl. 10:11]

Hemmi Gunn??

[Einar holdljós (IP-tala skráð) 9.8.2010 kl. 10:17]

John Voight.

[Ingvar Valgeirsson, 9.8.2010 kl. 10:30]

Onei, hvorugur.

[Petur (IP-tala skráð) 9.8.2010 kl. 10:34]

Meatloaf

[Ingvar Valgeirsson, 9.8.2010 kl. 10:52]

O, nú verð ég að sparka í þig, Pétur.

Meat Loaf er það.

[Einar holdljós (IP-tala skráð) 9.8.2010 kl. 10:53]

Jæja, Bill Paxton þá.

[Einar holdljós (IP-tala skráð) 9.8.2010 kl. 10:54]

DOH, sá ekki svarið þitt Ingvar. :)

[Stefán Örn (IP-tala skráð) 9.8.2010 kl. 12:24]

Eggert Þorleifsson

[Petur (IP-tala skráð) 9.8.2010 kl. 12:39]

Mér finnst þetta vel af sér vikið fyrir mann sem ekki hefur komið í bíó síðan fyrsta Hringadróttins var sýnd!

[Diljá Sævarsdóttir, 9.8.2010 kl. 13:15]

gary oldman

[Ingvar Valgeirsson, 9.8.2010 kl. 13:42]

Þetta er jú Meat Loaf. Hann lék leigumorðingja í Squeeze, fíkniefnamógúl í 51st State, hann lék galdrakall í Monk á Stöð 2 í gærkvöldi og hann lék Eddie í Rocky Horror - en Matti Matt, söngvari Papanna og nýkjörinn bæjarfulltrúi á Dalvík, fer brátt með það hlutverk hjá Leikfélagi Akureyrar. Takk fyrir það.

Honum var á sínum tíma boðið að verða söngvari í hljómsveitinni Foreigner. Hann tók því ekki og ákvað að verða bara sóló. Síðan þá hafa þeir selt rúmlega sjötíu milljón plötur - og hann örugglega nálægt því.