Ingvar Valgeirsson

6.8.2009 | 16:06

Bíóklikk

Mér finnst gaman að almennu klikkelsi í bíómyndum. Sérstaklega þykir mér gaman þegar menn eru að nota skotvopn eða faratæki em ekki voru til þegar myndin á að gerast. Til dæmis er allt vaðandi í framtíðarvopnum í Indiana Jones-myndunum, sérstaklega þeirri fyrstu. Hún á að gerast 1936, en Þjóðverjarnir (sem tilheyra þar herdeild sem ekki var til fyrr en fimm árum seinna) nota ´38 og ´40-módel af skotvopnum.

Svo sá ég þessa ljósmynd:

Hér má sjá Johnny Depp í hlutverki hins bráðskemmtilega bankaræningja John Dillinger. Hann heldur hér á Thompson-hríðskotabyssu, alveg gullfallegri. Akkúrat það sem ég vil fá í jólagjöf. Nema hvað að Dillinger var drepinn árið 1934 (já, fyrirgefið að ég eyðilegg fyrir ykkur endann). Magasín, eins og er í byssunni, voru ekki framleidd fyrr en seinni heimsstyrjöldin var byrjuð. Þau voru hringlaga þangað til.

Annars er hann flottur þarna með Thompsoninn í hægri hendi... nema hvað að Dillinger var örvhentur.

Ég ætla hinsvegar að sjá myndina, hún er eflaust ágæt.

Flokkur: Bloggar | Facebook