Ingvar Valgeirsson

4.4.2008 | 16:56

Felgulykil í smettið

Það virðist þurfa að grípa til róttækra aðgerða ef vort ástkæra og ylhýra á ekki að líða undir lok bráðlega. Þetta er til dæmis sorglegt dæmi um hreina og klára endaþarmsnauðgun á íslenskri tungu. Að "turnast" í eitthvað? Ég hef heyrt að menn umturnist, en ekki "turnist". Svo kemur þarna fram að Jón hafi "safnað skalla í þrjá mánuði".

Skoðið endilega.

Flokkur: Bloggar | Facebook

Athugasemdir

þeir eru ekkert skárri á mbl - af þessu má dæma að samkomulag um samstarf seðlabanka í evrópu hafi verið handsalað í Stykkishólmi !

"möguleika ríkisins við öflun lánsfjár s.s. með lánalínum frá seðlabönkum Evrópu, Bretlands eða annarra Norðurlanda í gegnum hið svokallaða Stykkishólmssamkomulag."

http://mbl.is/mm/vidskipti/frettir/2008/04/04/vikuhaekkun_urvalsvisitolunnar_7_6_prosent/

Ingólfur Magnússon (IP-tala skráð) 4.4.2008 kl. 20:15

Híhí - það er skylt "Stykkishólms-syndrome".

Ingvar Valgeirsson, 4.4.2008 kl. 20:50

vissi ekki að tunga hefði endaþarm

Guðríður Pétursdóttir, 4.4.2008 kl. 22:39

Jú, hann sagði þetta oft í gamla daga þegar hann var "sköllóttur með sítt hár". Síðan þá hefur andlitið ekkert stækkað, hann er bara áfram svona fallegur.

Ingvar Valgeirsson, 5.4.2008 kl. 11:05

.....íslensk tunga eða giberiska......ég þoli ekki heldur þegar fólk segir ungAbörn í staðin fyrir ungbörn og ég fæ í mænuna þegar ég tala við fólk með þágufallssíki.............og andsk..........helv....................en þá reyni ég bara að leiða hugann að Begga mix og ásjónu hans eftir að hann fór að safna andliti og þá færist yfir mig unaðssvipur og stóísk ró og ég get sogið fingurinn að nýju eftir að hafa stungið honum Í RASSGATIÐ Á ÍSLENSKRI TUNGU!!!!!!!!!

Brynhildur (IP-tala skráð) 5.4.2008 kl. 18:31

mikið er ég sammála þessu...ætli Tóbias í Kardimommubænum hafi alltaf verið að ,,turnast"

Tryggvi Vilmundarson (IP-tala skráð) 5.4.2008 kl. 22:50

Ég held að sögnin að "turnast" eigi við um að heimsækja Tóbías í turninum... eða eitthvað. Hann einmitt safnaði skalla og lagði inn á 17% vöxtum.

Ingvar Valgeirsson, 6.4.2008 kl. 15:47

Það er hárrétt að blaðamenn virðast upp til hópa dreggjar íslenskrar málkunnáttu. Það væri áhugavert að sjá einkunnnir þessa fólks í Íslensku 201...

Annars hef ég oft heyrt sögnina að turnast, en þá í þeirri merkingu að turnast til einhverrar trúar (sumsé að fara frá einni trú og taka upp aðra). Sbr. að Múhameð Ali turnaðist til Islam. En ég á ekki orðabók til að staðfesta þetta - ég hef bara heyrt aðra nota þessa sögn svona, og þori ekki að hengja mig upp á þetta (þótt ég hafi reyndar heyrt fleiri en einn nota þetta).

Og það má benda Brynhildi á að ungabarn og ungbarn er hvort um sig fullkomlega rétt og bara smekksatriði hvort fólk notar, rétt eins og dýrlingur/dýrðlingur, hunsa/hundsa og margt annað í þessum dúr. Það fer líka svolítið í taugarnar á mér að sjá dýrlingur, þar sem ég sé ekki hvað þetta tengist dýrum, en ég er nú ekkert að missa mig yfir því. Skrifa bara sjálfur það sem mér finnst fallegra. Eins finnst mér kjánalegt að sjá talað um þúsundir, þar sem þá er búið að breyta orðinu þúsund úr hvorugkyni í kvenkyn, en það er samt ekki rangt, þótt mér fyndist eðliliegra að tala um fleiri þúsund manns, ekki fleiri þúsundir. En... Bæði er rétt.

Eyvindur Karlsson (IP-tala skráð) 7.4.2008 kl. 00:40

.......ertu ekki að grínast, hefurðu sannanir fyrir því að þetta sé allt saman í lagi?

þá ætla ég HUNSA að DÝRLINGAR fundu þar UNGABARN reifað í jötu og ÞÚSUNDIR ...........ég get þetta ekki þetta er ógeðslegt! Ég segi mig úr íslensku máli............. hér eftir ætla ég bara að tala með rassgatinu.

Brynhildur (IP-tala skráð) 7.4.2008 kl. 22:53

Hvaða tungumál?

Sannanir er að finna í orðabók.

Án djóks, hvaða tungumál ætlarðu að tala með endaþarmsopinu?

Eyvindur Karlsson (IP-tala skráð) 8.4.2008 kl. 09:40