Guinnessinn

Ég hló aðeins áðan. Sem er gott. Viking-ölgerðin er nebblega að kynna nýjan stout-bjór þessa dagana og er það vel, því mér finnst gaman að drekka svoleiðis í góðra vina hópi. Bruggmeistarinn, Baldur Kárason, á hinsvegar drulluppábak-met dagsins í 24 stundum í dag. Hann segir "þetta er fyrsta dökka ölið í stíl við enska stout-bjórinn eins og Guinness er".

Ég veit um nokkra Íra sem verða ekki hressir ef þeir frétta af þessu, enda Guinnessinn írskari nokkuð annað.

Annars er bara Whitesnake í kvöld og svakastuð. Fann einmitt nokkrar gamlar myndir af tónleikunum ´90 og fékk nostalgíukast Sveins. Ég ætla samt ekki að mæta í hvítu snákaskinnsskónum mínum, enda eru þeir úr plasti.

Athugasemdir

[Jóhanna Seljan (IP-tala skráð) 10.6.2008 kl. 18:08]

Já....reiðir Írar eru engin lömb að leika sér við......kynntist því nú einu sinni á djamminu í fyrrverandi höfuðborg Íslendinga. Góða skemmtun á Whitesnake.

[J. Einar Valur Bjarnason Maack , 10.6.2008 kl. 19:41]

Það er samt ekki mest auglýstasta staðreynd í heimi að höfuðstöðvar Gunness hafa verið í London frá árinu 1932.

Hinsvegar er Guinnessinn uppruninn á Írlandi, snemma á sautjándu öld.

Skemmtileg staðreynd; 1 imperial pint af Guinness inniheldur aðeins 198 kaloríur og er því léttari, kaloríulega séð, en mjólk, appelsínudjús og langsamlega flestir bjórar sem ekki eru kallðir 'lite' eða 'light'... (og flestur stout er reyndar svipað léttur og því minna fitandi en annar alvöru bjór).

[Haukur Nikulásson, 11.6.2008 kl. 07:03]

Sérkennilegt að bruggmeistari fari rangt með uppruna Guinness, en eins og þú íþróttaáhugamaðurinn veist, þá getur allt gerst í knattspyrnu og gítarleik.

BTW - Ég hef eiginlega búið á golfvellinum undanfarna daga og því ekki lesið bloggið að neinu gagni. Til hamingju með Svepp III.

Með allri þessari karlkyns framleiðslu ertu kyrfilega fastur í flokki grjótpunga. Þú getur þess vegna sagt þig úr íhaldinu. 

[Magnús Geir Guðmundsson, 11.6.2008 kl. 15:52]

Bjór er bull.

Golf er gull..

...og gítarleikur að sjálfsögðu líka!

Fótbolti líka fínn, sérstaklega þessa dagana.

Best af öllu er þó samanburðarfræðin á bjórnum og öðrum drykkjum, alveg snilldarleg!

[Ingvar Valgeirsson, 11.6.2008 kl. 18:49]

Einsi - skrifstofur Guinnes eru í London, en hann er bruggaður í Döbblin. Var um tíma líka bruggaður í London, en því var hætt fyrir þremur árum. Svo er ekki nóg með að Guinnessinn sé kaloríusnauðari en upptaldir drykkir, hann er líka miklu betri!

Haukur - þakka þér. Ég get hinsvegar ekki sagt mig úr íhaldinu, ég hef aldrei gengið í íhaldið. Annars hef ég aldrei skilið af hverju íhaldið er kallað íhaldið...

Magnús, þetta er alls ekki rétt, bjór er ekki bull. Brennivín er bull og sukk er vitleysa eins og Lögreglukórinn söng hér um árið.